Dándi daqyldarǵa aldymen oraq salǵan aýdannyń biri Aqsý edi. Qazir dıqandar 29,8 myń gektardaǵy kúzgi jumystardy tolyq aıaqtap, dándi daqyldardy 100 paıyzǵa oryp aldy. Iаǵnı aqsýlyq dıqandardyń qambasyna 63,5 myń tonna taza ónim túsken. Al ár gektardyń ortasha ónimdiligi 21,3 sentnerden aınalypty.
Aýdanda dándi daqyldarmen qatar maıly daqyldardyń jıyn-terini de qyzý júrip jatyr. Bıyl dıqandar 15,6 myń gektarǵa osy daqyldyń dánin sepken bolatyn. Qazir egistiktegi jumys 70 paıyzǵa jetken eken. 1,6 myń tonna ónim alynyp, ortasha ónimdilik 9,6 sentnerden aınalýda.
Jalpy, aýdandaǵy kúzgi jıyn-terin jumysyna jeńildetilgen baǵamen bólingen 120 tonna janarmaı jetkizilgen-di. Buǵan qosymsha sharýalar 350 tonna dızel otynyn óz qarjysyna satyp alǵan. Nátıjesinde astyq jınaý naýqany toqtaýsyz ótip jatyr. Qazir dıqandar dándi daqyldardan bólek baqsha ónimderin jınaýdy da tolyqtaı aıaqtapty. Bıyl aýdan boıynsha egilgen kartop, kókónis jáne basqa da baqsha daqyldarynyń aýmaǵy 2,2 myń gektarǵa jetken bolatyn. Qazir osy jerden 45,7 myń tonna ónim alyndy. Al aýdanda jınalǵan astyqty saqtaýǵa arnalǵan bir qoıma bar. Oǵan 2 myń tonna dán sııady eken. Munan bólek, aldaǵy jyldyń tuqym qory da jasaqtalǵan. Keleshek qamy úshin 5,1 tonna qor jınaldy, bul aýdan boıynsha qajetilikti 95 paıyzǵa óteıdi.
Aıtpaqshy, Aqsý aýdany turǵyndarynyń arqa súıer baǵytynyń biri mal sharýashylyǵy ekenin umytpaýymyz kerek. Sol sebepten de sharýalar qysqa mal azyǵyn qamdaýǵa erekshe kóńil bóledi. Esep boıynsha qazir aýdanda 158 myń tonna pishen daıyndalyp, 10,2 myń tonna súrlem jınalǵan. Sonymen qatar 42,1 myń tonna saban bastyrylyp, 26,7 myń tonna arpa orylypty. Iаǵnı aýdandaǵy mal basyna qajetti azyq qory tolyqtandy.
Almaty oblysy
