– 2020 jyly sýbsıdııalaý quraly boıynsha jalpy somasy 6,7 mlrd teńgege 117 joba qoldaý tapty. Qordyń kepildiligin jalpy somasy 2 mlrd teńge kóleminde 64 kásipker ıelendi. Bıyl pandemııaǵa baılanysty daǵdarysqa qarsy sharalar aıasynda «Bıznestiń jol kartasy 2020-2025» baǵdarlamasyna belgili bir ózgerister engizilgenin atap ótkim keledi. Atap aıtqanda, salalyq shekteýler alynyp tastaldy, sondyqtan búginde kóptegen kásipkerler sýbsıdııalar men kepildikter túrinde memlekettik qoldaý ala alady. Kóptegen kásiporyndar memlekettik qoldaýdy qajet etedi jáne biz ony qamtamasyz etemiz. Memleket osy maqsattarǵa qosymsha qarajat bóledi. Aǵymdaǵy jyly qarjylyq qoldaý kólemi birneshe esege ulǵaıdy. Munyń bári pandemııa men daǵdarysqa qarsy sharalarǵa baılanysty. Búgingi tańda baǵdarlamadaǵy ózgeristerge sáıkes salalyq shekteýlerdi alyp tastaýmen qatar sýbsıdııalaý maqsattary úshin nesıeniń shekti mólsheri ulǵaıtylyp, 7 mlrd teńgeni qurady jáne kepildik mólsheri de mlrd teńgege deıin ulǵaıtyldy. Qaryz alýshynyń tóleıtin jalpy mólsherlemesi jyldyq 6%-dy quraıdy. Iаǵnı bul burynǵyǵa qaraǵanda áldeqaıda qolaıly jaǵdaılar. Demek, buryn biz syıaqy mólsherlemesi qunynyń 40-tan 50%-na deıin sýbsıdııa alsaq, búginde ol jyldyq 6%-ben ǵana bekitilgen, qalǵan aıyrmashylyqty memleket sýbsıdııalaıdy, – dedi Gúlnár Súıindikova.
Shaǵyn jáne orta bıznes sýbektilerine nesıe boıynsha syıaqy mólsherlemesin tómendetýge múmkindik berilgen syıaqy mólsherlemesiniń bir bóligin sýbsıdııalaý sharttaryna sáıkes, Qaraǵandy oblysynyń kásiporyndary jabdyqtar satyp alǵan, ǵımarattaryn qaıta jańartyp, aınalym qarajatyn tolyqtyrǵan. Bul olarǵa óndiris kólemi men qyzmet túrlerin ulǵaıtýǵa múmkindik berdi.
«Tulpar» kardıo ońaltý ortalyǵynyń ashylǵanyna bir jyl bolǵan. Munda júrek-qantamyr júıesi aýrýlary bar naýqastar ambýlatorııalyq jáne stasıonarlyq ońaltýdan ótedi.
– Biz ótken jyly qyrkúıekte ashyldyq. Qaraǵandy oblysynda ońaltý ortalyǵyn ashý qajettiligi týyndady. «Bıznestiń jol kartasy-2020» baǵdarlamasy aıasynda biz memlekettik qoldaýǵa ıe boldyq. Nesıeni ekinshi deńgeıli bank arqyly 14,25% jyldyq mólsherlememen 100 mln teńge somasyna aldyq, onyń 5,7%-yn «Damý» qory sýbsıdııalaıdy. Nesıege alǵan qarajatqa ǵımaratqa jóndeý jumystaryn júrgizip, kerekti jabdyqtardy satyp aldyq. Bizdiń ortalyqta mıokard ınfarkty men kardıohırýrgııalyq operasııa jasatqan adamdarǵa kómek kórsetiledi. Memlekettik qoldaý arqasynda bir jyldyń ishinde 1500 naýqasty saýyqtyrdyq. Qazirgi tańda ortalyq tolyq qýatta jumys isteıdi. Bul – táýlik boıǵy 80 oryn jáne kúndizgi stasıonarlyq 20 oryn. Bizde naýqastar ekinshi jáne úshinshi deńgeıli qalpyna keltirýden ótedi. Bizge basqa oblystardan da adamdar keledi. Memleket qoldaýynyń nátıjesinde aıaǵymyzǵa nyq turdyq, – deıdi «Tulpar» kardıoońaltý ortalyǵynyń dırektory Baıan Ekijanova.
Jeńildikpen nesıe alǵan kompanııalardyń qatarynda energetıkalyq jabdyqtar óndiretin «QazEnergoMash Korporasııasy» JShS jáne «Qazaqstandyq ónerkásiptik yqpaldyq ınstıtýty» JShS bar eken. Bul kásiporynǵa «Damý» qory 2015 jyldan bastap memlekettik qoldaý kórsetip keledi. Búgingi tańda ınstıtýt bazasynda synaq zerthanasy jumys isteıdi. Instıtýt testileýdiń sapasy men jyldamdyǵyn qamtamasyz etetin zamanaýı jabdyqtarmen qamtamasyz etilgen. Kompanııa jobalardy sýbsıdııalaý men kepildendirý bóliginde «Damý» qorynyń memlekettik qoldaýyna birneshe márte ıe bolǵan.
2012 jyly qurylǵan kompanııa – Qazaqstan Respýblıkasynyń ekonomıkalyq damý strategııasynyń negizgi erejelerine sáıkes qurylǵan, ǵylymı-ádistemelik, oqý-uıymdastyrýshylyq jáne jobalaý-konstrýktorlyq qyzmetti júzege asyratyn ǵylymı-tehnologııalyq jáne oqý-óndiristik kásiporyn.
– Kompanııamyz zertteý jumystarymen, sonymen qatar óndiris oryndaryna ekologııalyq monıtorıng júrgizýmen aınalysady. Biz «Damý» qorymen 5 jyldan beri jumys istep kelemiz. Qor bizge kepildik túrinde paıyzdyq mólsherlemeni sýbsıdııalaýǵa qoldaý kórsetti. Bul qarajattyń barlyǵy ekologııalyq monıtorıng zerthanasyn qurýǵa jumsaldy. Memlekettik qoldaý aıasynda zerthanamyz taldaýlardy tıimdi jáne jyldam jasaıtyn eń jańa jabdyqtarmen tolyqty, – dep atap ótti «KazInSoP» JShS dırektory Ernar Muhanǵalıev.
Kompanııa basshysynyń málimetinshe, 2019 jyly kásiporyn jabdyq satyp alý úshin bankten 14% jyldyq mólsherlememen nesıe alǵan, onyń ishinde, 8%-yn «Damý» qory sýbsıdııalandyrýda. Qalǵan 6%-yn kompanııa ózi tóleıdi. Nesıeniń jalpy somasy 264 mln teńgeni qurady. Odan bólek, kompanııa 132 mln teńge somasyna jobany 50%-ǵa deıin kepildendirý túrindegi qoldaýǵa ıe bolǵan.
Temirtaý qalasynda ornalasqan «QazEnergoMash Korporasııasy» JShS 2011 jyly qurylǵan. Kásiporyn energetıkalyq jabdyqty óndirýge mamandandyrylǵan: joǵary qysymdy qubyr jelileri jáne elektr qazandyqtarynyń jylytý betteri, sonymen qatar joǵary jáne tómen qysymdy qubyrótkizgishterdiń bólikteri, kollektorlar, barlyq tıptegi qazandyqtardyń jylytý betteri, membranalyq panelder, tirek-aspaly júıeler jáne basqalaryn óndiredi. Kompanııa qazaqstandyq naryqta toǵyz jyldan beri jumys isteıdi. Bıyl uıym óziniń aınalym qarajatyn «Damý» qory baǵdarlamasy aıasynda alynǵan jeńildetilgen nesıemen tolyqtyrdy.
«QazEnergoMash Korporasııasy» JShS 2020 jyly ekinshi deńgeıli bank arqyly jyldyq 12% mólsherlememen nesıe alǵan, onyń ishinde «Bıznestiń jol kartasy-2025» bıznesti qoldaý men damytýdyń memlekettik baǵdarlamasy aıasynda jyldyq 8,5%-dy «Damý» qory sýbsıdııalaıdy. Qalǵan 6%-dy kompanııa ózi jabady. Sondaı-aq osy baǵdarlama aıasynda «Damý» qory kásiporynǵa 47% kepildik bergen.
– Búgingi tańda kompanııa zamanaýı jabdyqtarmen qamtamasyz etilgen, bul jobalaýdan bastap bý qubyrlary men qazandyqtardyń barlyq túrleriniń jylý betteriniń bólshekterin daıyndaýǵa jáne kúrdeli máselelerdi sheshýge múmkindik beredi. Jyl saıyn biz óndiretin ónim túrlerin arttyrýdamyz, sonymen qatar tehnologııalarymyz jańaryp, eksport paıyzyn ulǵaıttyq. Jyl saıyn Reseı men О́zbekstanǵa 500 tonnadan astam ónim eksporttaımyz. Kompanııamyzda 200-den astam qyzmetker jumys isteıdi. Biz úshin memlekettik qoldaý óte mańyzdy. Osy oraıda aıtarym, «Damý» kásipkerlikti qoldaý qorynyń mańyzy óte zor, – deıdi «QazEnergoMash Korporasııasy» JShS kommersııalyq dırektory Stanıslav Rýban.
Aıta ketý kerek, «Damý» kásipkerlikti damytý qory» AQ Qaraǵandy oblysy boıynsha aımaqtyq bólimshesiniń búgingi tańda Qaraǵandy oblysy boıynsha 10 myńǵa jýyq klıenti bar.
Qaraǵandy oblysy
