Mınıstr issapar barysynda ortalyq jumysynyń nátıjesimen tanysty. On eki jyl ishinde neırohırýrgııa dárigerleri 32 myńnan astam operasııa jasap, 70-ke jýyq jańa neırohırýrgııalyq tehnologııa engizip, sonyń arqasynda jaǵdaıy óte aýyr naýqastardy, sonyń ishinde balalardy aıaqqa turǵyzdy.
Densaýlyq saqtaý mınıstri ortalyqtaǵy dıagnostıkalyq jáne klınıkalyq bólimshelerdiń jumysymen tanysyp, jas mamandarmen beıresmı kezdesý ótkizdi. Budan basqa, Mınıstr sımýlıatorlarda oqytý kýrstaryn ótkizý úshin qurylǵan trenıngtik ortalyqty aralap shyqty jáne mı glıomalaryn zertteıtin ǵylymı joba aıasynda qurylǵan ortalyq janyndaǵy bıobanktiń jumysyn kórdi.
Alekseı Soı transfýzıologııa bóliminde de boldy. Osy bólimsheniń mamandary ózderiniń negizgi jumysynan basqa, qan únemdeý tehnologııalary: aýtoerıtrosıtterdiń ıntraoperasııalyq apparattyq reınfýzııasy, gemostazdy ıntegraldy baǵalaý – tromboelastografııa sııaqty biregeı eksperımentter júrgizýde.
Gospıtaldyq farmasııa bólimshesinde mamandar emdeýdiń tıimdiligin arttyratyn jáne dárilik zattardy utymdy paıdalanýǵa múmkindik bergen jańa tehnologııanyń nátıjesi týraly baıandady.
Sondaı-aq, Densaýlyq saqtaý mınıstri radıologııa bólimine de baryp, onda angıografııalyq operasııalyq bólmeniń jumysymen jáne gamma-pyshaq jumys isteıtin jeke blok qurylysynyń barysymen tanysty.
Sapar sońynda QR Densaýlyq saqtaý mınıstri A.Soı ortalyqtyń jumysyn joǵary baǵalap, ujymnyń eńbegine tabys tiledi.
