Dárini Biomed kompanııasy koronavırýs juqtyryp, aýrýdan aıyqqan adamdardyń qan plazmasyn qoldana otyryp jasaǵan. Qazir olar preparatty klınıkalyq synaqtan ótkizý úshin tórt ortalyqqa jiberdi: Lıýblın, Bytom, Belostok jáne Varshavaǵa.
Preparat óndirisi 18 tamyzda bastalǵany atap ótildi.
"COVID-19-dy jazylyp shyqqan adamnyń qan plazmasymen emdeý ádisin DDU jáne Polsha Densaýlyq saqtaý mınıstrligi maquldady", - dedi preparattyń tusaýkeserine qatysqan Polsha parlamentiniń senatory, dáriger Gjegoj Cheleı.
Buǵan deıin Qytaıda koronavırýsqa qarsy 11 vaksına klınıkalyq synaqtan ótip jatqany habarlanǵan bolatyn.
