"Sharbaqty aýdanyndaǵy Alekseevka aýylynyń mektebinde 3-synyp oqýshysynan koronavırýs anyqtaldy. Oqýshy sońǵy ret sabaqqa 16 qyrkúıek kúni barǵan. Atasynyń pnevmonııaǵa shaldyǵýyna baılanysty balany tekserý kezinde koronavırýs anyqtaldy. Bul balamen 44 adam baılanysta bolǵan. 44 adamdy tekserý kezinde synybyndaǵy 3 oqýshy KVI juqtyrǵany belgili boldy", dedi Batyrbek Álıev.
Mektepke baryp bilim alatyn 4 oqýshydan indettiń anyqtalǵanyna baılanysty Alekseevka aýylynyń mektebi karantınge jabyldy. Mektep epıdemıologııalyq jaǵdaı jaqsarǵanǵa deıin jabyq bolady.
Batyrbek Álıevtiń aıtýynsha, 1 qyrkúıekten beri Pavlodar oblysynda 58 adam koronavırýs juqtyrǵan. Onyń ishinde 18 jasqa deıingi 14 bala bar.
"14 balanyń ishinde 9 bala mektep jasynda bolsa, 5 – 6 jasqa deıingi balalar. Bul 6 jasqa deıingi balalar balabaqshaǵa barmaıtyndar. Al, qalǵan 9 balanyń 4 – karantınge jabylǵan Alekseevka mektebinen, 5 – Sharbaqty aýdany ortalyǵynan, Pavlodar jáne Aqsý qalasynan. Bul 5 bala qashyqtyqtan bilim alady", dedi departament basshysy.
Spıkerdiń aıtýynsha, eger bir synyptaǵy balalardan KVI anyqtalsa, sol synyp karantınge jabylady. Al, eger bir mekteptegi ártúrli synyptardan indet juqtyrý jaǵdaıy tirkelse, onda mektep tolyǵymen jabylady.
Aıta keteıik, Pavlodar oblysynda osy ýaqytqa deıin 3897 adamnan COVID-19 anyqtalǵan. Onyń ishinde belgileri bar - 2731, belgileri joq - 1166. О́tken táýlikte 4 oqıǵa tirkeldi. Táýliktik ósim 0,1 %-dy qurasa, sońǵy 7 kún ishindegi kúndelikti ortasha ósim de 0,1%-dy qurady. Indetten jazylyp shyqqandar sany – 3735.
Sondaı-aq pnevmonııaǵa shaldyqqan 261 adam stasıonarlarda jatyr.
