Baýyrjan Baıbek almatylyqtarmen Joldaýdy iske asyrýdyń negizgi baǵyttaryn talqylady

Qoǵam • 28 Qyrkúıek, 2020

Baýyrjan Baıbek almatylyqtarmen Joldaýdy iske asyrýdyń negizgi baǵyttaryn talqylady

"Nur Otan" partııasy Tóraǵasynyń birinshi orynbasary Baýyrjan Baıbek Almaty qalasynyń jurtshylyǵymen jáne úkimettik uıym ókilderimen kezdesti. Kezdesý barysynda Memleket basshysy Q.K. Toqaevtyń Joldaýyn iske asyrýdyń negizgi baǵyttaryn, sondaı-aq praımerızdiń ózekti máseleleri men "Nur Otan" partııasynyń saılaýaldy baǵdarlamasy aıasynda qalany taıaýdaǵy 5 jylda damytý boıynsha usynystardy talqylady, dep habarlaıdy Egemen.kz.

Marzhan Tileubekova

"Almatyǵa keldim. Qala jurtshylyǵy jáne úkimettik uıym ókilderimen kezdestim. Bas qosýda Memleket basshysy Q.K. Toqaevtyń Joldaýyn iske asyrýdyń negizgi baǵyttaryn talqyladyq. Sondaı-aq praımerızdiń ózekti máseleleri men "Nur Otan" partııasynyń saılaýaldy baǵdarlamasy aıasynda qalany taıaýdaǵy 5 jylda damytý boıynsha usynystardy qarastyrdyq.
⠀
О́zderińiz biletindeı, partııa Lıderi N.Á. Nazarbaevtyń tapsyrmasymen partııaishilik praımerız tuńǵysh ret respýblıkalyq aýqymda ótip jatyr. Almatyda kandıdat retinde 200-den astam qalalyq tirkelgen, onyń 35%-y - áıelder, 30%-dan astamy – 35 jasqa deıingi jastar.
⠀
Ásirese, shaǵyn jáne orta bıznes, sondaı-aq úkimettik emes uıymdar ókilderi erekshe belsendilik tanytty, olar - 50%-dy quraıdy. Almatyda ortasha alǵanda, bir orynǵa 8 adam úmittenýde.
⠀
Qazirgi kezde qalada 3 myńdaı ár túrli kezdesýler men pikirsaıystar ótkizildi. Qalalyq saılaýaldy baǵdarlamany jetildirý boıynsha 300-deı naqty usynystar jınaqtaldy. Olardyń 41%-y áleýmettik blokqa, 21,5%-y – ınfraqurylymdy damytý men ekologııaǵa, 12,5%-y – ekonomıka men jumyspen qamtýǵa qatysty boldy.

⠀
Jalpy, Elbasynyń tapsyrmasy boıynsha árbir óńir, qala jáne aýdan boıynsha saılaýaldy baǵdarlamalarymyz turǵyndardyń pikirin jáne Prezıdenttiń Qazaqstan halqyna Joldaýynda qoıylǵan mindetterdi eskere otyryp, pysyqtalatyn bolady.
⠀
Mysaly, Almaty saılaýaldy baǵdarlamasynyń jobasynda turǵyndardyń ótinishteri negizinde qalanyń ekologııalyq ahýalyn jaqsartý jáne kógaldandyrý, qoǵamdyq orta men áleýmettik ınfraqurylymdy damytý boıynsha jekelegen sharalar kózdeledi. Sondaı-aq almatylyqtardy tolǵandyryp otyrǵan ózge de máseleler kórinis tabatyn bolady. Qalalyq saılaýaldy baǵdarlamanyń jobasymen Primaries.kz saıtynda tanysyp, usynys berýge bolady.
⠀
Almatyny ári qaraı órkendetý boıynsha mejelengen maqsattar tyǵyz yntymaqtasý men qalalyqtardyń qoldaýynyń arqasynda iske asatynyna senimdimin.

⠀
Osy oraıdy paıdalana otyryp, barsha almatylyqtardy ótken Qala kúnimen quttyqtaımyn! Barshańyzǵa mol tabys, myqty densaýlyq jáne almatylyq aqjarqyn kóńil-kúı tileımin!", - dep jazdy B.Baıbek Facebook paraqshasynda.