Búgin jobalyq keńseniń basshysy jáne QR SIM "Adaldyq alańy" keńesiniń músheleri Investısııalar komıtetine baryp, onda komıtetpen júrgizip jatqan sybaılas jemqorlyqqa qarsy jumyspen tanysty. Komıtette derbes joba jumys isteıdi, ony Komıtet tóraǵasynyń orynbasary Shyńǵys Saýranbaev basqarady.
Investısııalar jónindegi Komıtetindegi turmystyq sybaılas jemqorlyqtyń aldyn alý boıynsha negizgi ekpin memlekettik qyzmetterdi avtomattandyrý men sıfrlandyrýǵa jáne barlyq jerde "bir tereze" qaǵıdatyn engizýge jasalady. Jumys prosesterin elektrondyq formatqa kóshirý memlekettik qyzmetterdi alý kezinde ınvestorlar úshin úlken qolaıly jaǵdaı jasaýǵa múmkindik beredi jáne olardy kórsetý merzimderin aıtarlyqtaı qysqartady. "Bir tereze" qaǵıdaty ınvestorlardyń qujattardy jınaý men daıyndaýǵa qatysýyn barynsha azaıtý jáne olardyń memlekettik organdarmen tikeleı baılanysyn shekteýdi qamtıdy. Investısııalar jónindegi Komıtet quratyn front-ofısterde Qazaqstan ekonomıkasyna ınvestısııa quıatyn tulǵalar ózderiniń qyzmeti úshin qajetti negizgi qyzmetterdi ala alady. Investısııa salasyndaǵy "Adaldyq alańy" jobasynyń menedjerleri úshin bul úderisterdiń barlyǵy turaqty baqylaý obektisi bolyp tabylady.
"Memlekettik organnyń sybaılas jemqorlyqqa baılanysy týraly pikir, ádette, onyń nashar jumysynyń saldarynan qalyptasady. О́zderińiz biletindeı, júıeli sybaılas jemqorlyq ekonomıkaǵa teris áser etedi jáne ınvestorlardyń teris pikirin qalyptastyrady. Bizdiń jobamyzdyń maqsaty – qyzmet alýshylardyń senimine ıe bolý", dep atap ótti Sh.Saýranbaev. Kúsh-jigerdi qoldanýdyń tańdalǵan baǵytynyń durystyǵy kórsetkishteriniń biri retinde Komıtet qyzmetkerleriniń kásibı jumysyn atap ótetin ınvestorlardyń pikirleri bola alady.
Degenmen, "Adaldyq alańy" jumysynyń qaǵıdaty sybaılas jemqorlyqqa qarsy is-qımyl máselelerinde kúsh-jigerdi tynymsyz jáne turaqty túrde ulǵaıtýdy talap etedi. Kezdesý barysynda QR SIM Investısııalar komıtetiniń barlyq salalarynda "Adaldyq alańy" jobasynyń jumysyn jandandyrý máseleleri jáne jaqyn aradaǵy perspektıvaǵa arnalǵan jumys josparlary talqylandy.
