ASTANA TEATRY ALMATYLYQ KО́RERMEN TALǴAMYNAN ShYǴAR MA EKEN?

О́ner men mádenıettiń oshaǵy bolǵan Almaty shaharyna álemniń aıtýly tulǵalarynan bastap, túrli óner ujymdary gastrolge kelip jatady. Teatr qoıylymdaryna kende bolyp kórmegen qalaǵa sáýirdiń 20-25 aralyǵynda elorda­dan Q.Qýanyshbaev atyndaǵy sazdy drama teatry gastrol­dik saparmen kelmek. Almaty turǵyndary men qonaqtary bul joly Astana teatrynyń alty spektaklin kóredi. – Q.Qýanyshbaev atyndaǵy qazaq mýzykalyq drama teatry araǵa bes jyl salyp, Almatyǵa gastrol­dik saparyn josparlap otyr. Bul bastamaǵa Astana qala­lyq ákimdigi qaı jaǵynan bolsa da qoldaý kórse­tip, qarjylyq demeý­shi­lik tanytpaq. Bul sapar ońtústik astanadaǵy teatr syn­shylary, maıtalman daryndy dra­matýrgter, ónerdi túsinetin jurt­­­­shy­lyq aldyn­daǵy esepti sa­pary­­­myz bolmaq. Qazir bizdiń teatr­da úsh birdeı maman qoıýshy-rejısser jumys isteıdi, – deıdi atalmysh teatrdyń kórkemdik jetekshisi ári dırektory Erkin Jýasbek. Ázirbaıjan Mámbetov mektebi­niń úrdisin jalǵastyryp otyrǵan elordadaǵy irgeli óner ordasy Al­matydaǵy óner aptalyǵyn rejıs­ser Álimbek Orazbektiń “Abaı” (M.Áýezov) tragedııasymen ashpaq. Sol sııaqty Pavlodar qalasyn­daǵy J.Aımaýytov atyndaǵy qazaq sazdy drama teatrynyń kórkemdik jetekshisi Ersaıyn Tápenov ótken jyly Astana teatrynda A.Sagare­lı­diń “Gamardjoba” degen atpen mýzykalyq komedııasyn sahnalaǵan bolatyn. Osy atalmysh týyndy da  alma­tylyq kórermendermen qaýyshatyn bolady. Kórermender jiberip almaýǵa tıisti taǵy bir tamasha múmkindik – kezinde Ázirbaıjan Mámbetov sahnalaǵan “Qaragóz” tragedııasy. Bul qoıylym ótken jyly Tegeran qalasynda ótken gastroldik saparda ırandyqtardyń joǵary baǵasyna ıe bolǵanyn ónersúıer teatr qaýym umyta qoımaǵan bolar. Almatylyq kórermenderge osy­dan eki jyl buryn Astana teatry­nyń rejısseri Iýrıı Hanınga-Beknazar Qazaqstannyń halyq ártisi Gúljan Áspetovanyń mereı­toıyna oraı sahnalaǵan “Qymbat­ty Pa­mella” (Dj.Patrık) kome­dııa­syn tama­shalaý­dyń da sáti túsip tur. Sol sııaqty osy aptalyq aıa­syn­da bala­lar­ǵa arnalǵan M.Ah­manov­tyń “Al­dardyń aılasy” ertegisi usynylady. О́tken jyly Qaraǵandyda ótken respýblıkalyq teatr festı­valiniń júldegeri atanǵan rejısser N.Ju­ma­nııa­zovtyń “Úı­lený” kome­dııasy (E.Jýasbek) men rejısser Bolat Uzaqov sahnalaǵan jas dramatýrg Q.Júnisovtiń “Mahabbat melodrama­sy” atty psıhologııalyq týyndysy qazir Astana jastary men qonaqtary eń kóp baratyn qoıylymdar qatarynda. Osynshama óner jaýhary óz aıaǵymen Almatyǵa kelip turǵanda  ónerdi qadir­­leıtin halaıyq mundaı múmkindikti ýystan shyǵara qoı­masy anyq. Áıtpese, elordanyń mádenı tyny­syn arnaıy tamasha­laýǵa barsańyz da, alty birdeı spektakldi qatarynan kórip shyǵý neǵaıbyl. Al Q.Qýanyshbaev atyndaǵy qazaq mýzykalyq drama teatrynyń dırektory Erkin Jýasbek Almaty­daǵy M.Áýezov atyndaǵy Qazaq memlekettik akademııalyq drama teatrynyń dırektory Esmuqan Obaev­qa dán rıza. О́ıtkeni, óner­degi básekeles dep emes, úzeńgi qaǵysqan áriptester retinde Astana teatryn laıyqty qarsy alýǵa ákemteatr da az daıyndalyp, az qobaljyp jatpaǵan kórinedi. – Biz úshin bul gastroldiń mańyzy joǵary. Teatr qoıylym­darynan kende bolyp kórmegen al­ma­tylyq kórermenderdiń shy­naıy yqylasyna bólenip, jaqsy baǵa alyp jatsaq, jańa bir beleske kóteril­genimiz. Astanadaǵy qazaq mýzykalyq drama teatry jas bolsa da, qatarynda elge talantymen tanylǵan, tájirıbe jınaqtaǵan sah­na sańlaqtary az emes. Qýandyq Qys­tyqbaev, Erjan Nurymbet, Sy­rym Qashqabaev, Núrken О́teýi­lov, Tilektes Meıramov, Láılá Bek­nazar, Gúljan Áspetova, Rym­kesh Omarhanovalardyń oıyny eshkimdi beı-jaı qaldyrmas, – deıdi Erkin Jýasbek. Aınash ESALI, Almaty.