Búginde aımaqqa qarasty eldi mekenderge 211 poshta nysany men 30 shaqty franchaızıngtik úlgidegi bólimsheler qyzmet kórsetedi. Qos tarap áleýmettik kartany engizý boıynsha birneshe jobalardy júzege asyrýdy kózdeıdi. Sonymen qatar "KAZPOST Business" mobıldi qosymshasyn engizý, elektrondyq saýdany damytý, e-commerce jáne fýlfılment ortalyǵyn ashý sııaqty jobalar josparlanyp otyr.
Oblys ákimi men "Qazposhta" tóraǵasy aýyldyq jerlerde poshta salasyn damytýǵa baǵyttalǵan ózara yntymaqtastyq týraly, sondaı-aq Qostanaı oblysynda "Qazaqstan azamatynyń áleýmettik kartasy" pılottyq jobasyn damytý boıynsha ózara áriptestik týraly memorandýmdarǵa qol qoıdy.
Pılottyq jobanyń alǵashqy kezeńinde zeınetaqy, járdemaqy, ataýly áleýmettik kómek alatyn 1200 adam "Azamattyń áleýmettik ID-kartaǵa" ıe bolady. Atalmysh jobaǵa qatysatyn mektep ujymdarynyń da tizimi anyqtaldy.
Al Qostanaıdaǵy eki saýda bazarynda elektrondy esep aıyrysý pılottyq jobasy júzege asyrylatyn bolady.
