Mınıstrdiń aıtýynsha, jańa júıe dárigerlerdi daıarlaý sapasyn arttyrýǵa jáne olardyń praktıkalyq daǵdylaryn jetildirýge baǵyttalǵan.
2026 jyldan bastap oqýǵa túsetinder úshin ne ózgeredi?
Jańa model boıynsha oqý merzimi 6 jyl (ýnıversıtette) + 1 jyl ınternatýrany quraıdy. Oqýdy aıaqtaǵan túlekter dıplom alyp, birden eki baǵyttyń birin tańdaı alady:
- Dáriger retinde jumysyn bastaý (tek emhanalarda ǵana emes, stasıonar deńgeıinde de jumys isteýge ruqsat beriledi);
- Rezıdentýrada oqýyn jalǵastyrý.
Sonymen qatar júıege «dáriger-ıntern» mártebesi engiziledi. Ol stýdent emes, naqty jaýapkershiligi men praktıkalyq daǵdylary bar maman retinde qarastyrylady. Aıta keterligi, bul júıeniń alǵashqy túlekteri 2033 jyly shyǵady.
Depýtattar medısınalyq bilim berý júıesin 7 jylǵa deıin uzartýdy usyndy
Qazirgi stýdentterdiń jaǵdaıy qalaı bolmaq?
Mınıstrlik qazirgi ýaqytta bilim alyp jatqan stýdentter úshin oqý sharttary men mansaptyq traektorııanyń saqtalatynyn naqtylady:
- 2021 jyly oqýǵa túskender burynǵy júıemen bilim alady. 2027 jyly oqý bitirgen soń emhanada jumys isteýge nemese rezıdentýraǵa túsýge quqyly.
-
2022 jyly jáne keıinirek (2026 jylǵa deıin) oqýǵa túskenderdiń oqý merzimi – 6 jyl. Munda praktıkalyq daıarlyq pen oqý saǵattarynyń kólemi arttyrylǵan. Túlekter medısınalyq-sanıtarııalyq alǵashqy kómek deńgeıinde jumys isteı alady nemese rezıdentýrada bilimin jalǵastyrady.
Jańa reformanyń artyqshylyqtary
Aqmaral Álnazarova bul ózgeristerdiń medısına salasyna berer paıdasyn atap ótti.
- Oqý barysynda praktıkalyq jumystyń úlesi artady;
- Dárigerlerdi daıarlaý sapasy eýropalyq standarttarǵa jaqyndaıdy;
- Jas mamandardyń eńbek jolyn erterek bastaýyna múmkindik týady;
- Klınıkalyq praktıka men bazalyq bilimniń ushtasýy medısınalyq kómektiń tıimdiligin arttyrady.
Mınıstrdiń sózinshe, jańa modeldiń negizgi artyqshylyǵy – bolashaq dárigerlerdiń kásibı ıkemdiligi men praktıkalyq daıyndyǵynyń joǵary bolýynda.
