"Biz otandyq vaksınaǵa kóp úmit artamyz. Buǵan deıin sizderge vaksınanyń klınıkalyq zerthanalardaǵy synaqtardan sátti ótkenin jáne olardyń jaqsy nátıjeler bergenin aıtqan edim. Qazirgi tańda klınıkalyq zertteýlerdiń I jáne II kezeńi iske qosyldy. Synamaldardyń nátıjelerin aldaǵy qarasha, jeltoqsan aılarynda alamyz. Sol mezette ǵana vaksınanyń tıimsiz, ıa densaýlyqqa qaýipti ekenin anyqtaımyz", deıdi Densaýlyq saqtaý mınıstri OKQ onlaın-brıfınginde.
Sonymen qatar Alekseı Soı elimizde otandyq vaksına dozalaryn óndiretin zaýyttyń salynyp jatqanyn da tilge tıek etti.
"Qazaqstannyń qajettiligin óteý úshin zaýyttyń qýaty jetkilikti. О́zimizde ázirlengen vaksınanyń sapasy qaýipsizdik jaǵynan barlyq krıterıılerge saı keletinin taǵy da aıtym keledi", deıdi ol.
Sóz sońynda Densaýlyq saqtaý mınıstrinen vaksınalardyń baǵasyn suraǵanda, olardyń quny áli belgisiz ekenin, alaıda otandyq ónimniń baǵasy 2-3 dollar kóleminde bolatymen bólise ketti.
