Muǵalimder kúni qarsańynda Dostyq úıinde Jambyl oblysynyń ákimi Berdibek Saparbaevtyń qatysýymen saltanatty shara ótti.
"Sapaly bilim – kez-kelgen progrestiń negizi. Sondyqtan elimizdiń jetistigi men órkendeýi sizderdiń úılesimdi jumystaryńyzǵa baılanysty. Muǵalimderdiń tógilgen mańdaı teri ózderi oqytqan, sol bilimmen bıikterge jete bilgen shákirtteriniń alǵysymen óteledi.
Sizder óskeleń urpaqtyń bilimi men tárbıesin damytýǵa erekshe úles qosyp, elimizge zor paıda ákelesizder. Sizder tek oqytyp qana qoımaı, óz oqýshylaryńyzdyń qabiletterin ashýǵa, olarǵa jetistikke jetýge baýlısyzdar", - dedi oblys ákimi.
Búgingi tańda muǵalimder ózderiniń memlekettiń qamqorlyǵynda ekenin sezine otyryp, ózderine degen senimdilikterin arttyra túsýde. О́tken jyly Prezıdent Qasym-Jomart Toqaev "Pedagog mártebesi týraly" zańǵa qol qoıdy.
"Sol sátten beri bilim berý salasynda jańa kezeń bastaldy. Munyń bári bilim berý júıesiniń halyqaralyq standarttarǵa saı bolýy úshin jasalýda. Táýelsizdiktiń alǵashqy kúnderinen bastap muǵalimderge mańyzdy mindet qoıyldy, ol – básekege qabiletti urpaq tárbıeleý", - dedi oblys ákimi.
Ol úsh aýysymdy jáne apatty jaǵdaıdaǵy mektepterdi joıý jumystary týraly qysqasha toqtalyp ótti.
"Bıylǵy jyly 42 mektepke kúrdeli jóndeý júrgizýge, 22 bilim berý nysanyn salýǵa qarajat bólindi. Eger koronavırýstyń taralý qaýpi seıilse, ekinshi toqsanda balalar dástúrli bilim berý formatyna oralady. Buǵan mektepter, muǵalimder men ata-analar qazirden daıyndalýy tıis", - dep atap ótti oblys ákimi.
Saltanatty shara óziniń kásibı biliktiligin birneshe ret dáleldegen úzdik muǵalimderdi marapattaý rásimimen jalǵasty.
Bıyl barlyǵy jeti muǵalim "Úzdik pedagog-2020" oblystyq baıqaýynyń júldegeri atandy. Olar oblys ákiminiń alǵys hattarymen jáne aqshalaı sertıfıkattarmen marapattaldy.
О́skeleń urpaqty tárbıeleýge eleýli úles qosqan segiz muǵalim oblys ákiminiń alǵys hattarymen jáne Qurmet gramotalaryna ıe boldy.
Qosymsha jáne arnaıy bilim berý uıymdarynyń bes pedagogyna aqshalaı sertıfıkattar tabystaldy.
Barlyq marapattalýshylar únemi joǵary nátıje kórsetip, oqýshylary álemdik jáne halyqaralyq olımpıadalardyń jeńimpazdary atanǵanyp júrgender.
"Úzdik muǵalim - 2020" respýblıkalyq baıqaýynyń qorytyndysy boıynsha jambyldyq tórt muǵalim joǵary dárejege ıe boldy. Olardyń arasynda daryndy balalarǵa arnalǵan mamandandyrylǵan IT lıseı-ınternatynyń tarıh pániniń muǵalimi Janar Janǵazıeva da bar. Ol da oblys ákiminiń Alǵys hatymen marapattaldy.
"Meniń muǵalim bolyp jumys jasaǵanyma 26 jyl boldy. Osy ýaqyt ishinde bilim berý salasy jaqsy jaǵyna qaraı aıtarlyqtaı ózgerip keledi. Bıyl qashyqtyqtan oqytýǵa kóshýde eleýli máselelerge tap bolǵanymyz jasyryn emes. Degenmen, muǵalimder jańa jaǵdaıǵa tez ıkemdelip, jumystaryn sátti jalǵastyra aldy. Bul bizdiń balalarymyzdyń, elimizdiń bolashaǵy úshin úlken jaýapkershilik júkteletinin taǵy da dáleldeı tústi. Áriptesterime árdaıym shyǵarmashylyq shabyt pen tózimdilik tileımin", - dedi Janar Janǵasıeva.
