Elimizdiń iri qalalarynda da, shalǵaı aımaqtarda da jańa Konstıtýsııany keńinen qoldaıtynyn kórsetetin taqyryptyq bılbordtar ornalastyryldy. Plakattarda belgili sportshylardyń, ǵalymdardyń, óner qaıratkerleriniń, jumysshy mamandyq ıeleriniń, sondaı-aq «Mereıli otbasy» qurmetti ataǵyna ıe kópbalaly otbasylardyń beıneleri usynylǵan.
Naýqannyń vızýaldyq kelbeti biryńǵaı stılde ázirlengen: dástúrli kógildir-kók tústi fon, aıqyn belgisi bar «Jańa Konstıtýsııa» logotıpi, sary tústi ekpinder jáne «Men jańa Konstıtýsııany qoldaımyn!», «Jańa Konstıtýsııa – ádiletti Qazaqstannyń irgetasy!» sııaqty úndeý urandary qoldanylǵan.
Bılbordtar qazaq jáne orys tilderinde ázirlenip, barynsha keń aýdıtorııany qamtýǵa baǵyttalǵan.
Qazirgi ýaqytta Astana, Almaty, Shymkent qalalarynda, sondaı-aq barlyq oblys ortalyqtary men óńirlerinde shamamen 2,4 myńǵa jýyq banner men LED-ekran ornatylǵan.
Naýqan Qazaqstan qoǵamynyń barlyq qabatyn qamtıdy. Onyń qatysýshylary qatarynda bokstan, dzıýdodan, jeńil atletıkadan jáne shahmattan olımpıada jáne álem chempıondary; medısına, fızıka, reprodýktologııa jáne neırohırýrgııa salasynyń akademıkteri men professorlary; opera ánshileri men aıtyskerler; qaqpashylar men fýtbolshylar; fermerler, shahterler, mehanızatorlar jáne agroónerkásip kesheniniń qyzmetkerleri bar.
Qatysýshylardyń osyndaı alýan túrli bolýy jańa Konstıtýsııany Qazaqstan halqynyń barlyǵy qoldaıtynyn aıqyn kórsetedi.
Qoǵam aldaǵy ózgeristerdi oń qabyldap jatyr. Azamattar áleýmettik jelilerde bılbordtardyń janynda túsken fotosýretterimen belsendi bólisip, naýqan qatysýshylaryna qoldaý bildirip, óz qalalarynda jańa plakattardyń paıda bolǵanyn kórsetip jatyr.
Sarapshylardyń pikirinshe, mundaı belsendilik deńgeıi Qazaqstan qoǵamynyń azamattyq turǵydan kemeldengenin jáne konstıtýsııalyq ózgeristerge daıyn ekenin ańǵartady.
15 naýryzda daýysqa salynatyn jańa Konstıtýsııa mazmundyq turǵydan tereń jańarýdy kózdeıdi. Ol memlekettik basqarý júıesin jańǵyrtyp, onyń tıimdiligin, ashyqtyǵyn jáne azamattarǵa eseptiligin arttyrýǵa baǵyttalǵan. Qujat eldegi árbir azamattyń quqyqtary men bostandyqtaryn qorǵaý tetikterin edáýir keńeıtedi jáne kúsheıtedi, ádil sot tóreligi qaǵıdattaryn bekitedi, sondaı-aq bıznes, ǵylym jáne áleýmettik sala úshin senimdi quqyqtyq kepildikter qalyptastyrady.
Sonymen qatar jańa Ata zań Qazaqstannyń turaqty damýyna berik konstıtýsııalyq negiz qalyptastyrady. Onda uzaq merzimdi josparlaý, tabıǵı resýrstardy jaýapkershilikpen basqarý, adamı kapıtaldy damytý jáne eldiń jahandyq bilim ekonomıkasyna yqpaldasý tetikteri qarastyrylǵan.
Referendým kezinde shalǵaıda júrgen azamattar qalaı daýys beredi?
Sarapshylardyń pikirinshe, jańa Konstıtýsııanyń qabyldanýy ádiletti, qýatty jáne órkendegen memleket qurý jolyndaǵy mańyzdy qadam bolmaq.
Referendým-2026: Sheteldegi daýys berý ýchaskeleriniń tizimi jarııalandy
