Júrgizýshi kýáligin alý tártibi ózgeredi

Keńes barysynda Ishki ister mınıstr­ligimen birlesip ázir­lengen usynystar toptamasy nazarǵa alyndy. Negizgi maqsat – júrgizýshi kýáligin alý úderi­sin barynsha ádil, túsinikti ári qolje­timdi etý, daıarlyq sapasyn kóterý, jemqorlyq qaterin azaıtý.

Jańa tásilge sáıkes azamattar emtıhandy aqyly negizde shekteýsiz tapsyra alady. Ár talpy­nys arasyndaǵy merzim keminde 10 kúntizbelik kúndi quraıdy. Qazirgi tártipte úsh tegin múmkindik qarastyrylǵan, alǵashqy eki áreket arasy bir kún, úshinshisi 30 kúnnen keıin ótkiziledi. Budan keıin qaıta oqýdan ótý talaby qoıylatyn. Mundaı shekteý keı jaǵdaıda zańsyz jol izdeýge túrtki bolatyny aıtyldy.

Qanatqaqty joba aıasyn­da Ǵylym jáne joǵary bilim mınıstrligi Ulttyq tes­tileý ortalyǵynyń Astana qala­­syndaǵy fılıaly bazasynda akademııalyq adaldyqty qamta­masyz etetin tehnologııalar synalady. Keıin bul tájirıbeni teorııalyq emtıhan júıesine keńinen engizý kózdelip otyr. Buǵan qosa, or­ta­lyq test tapsyrmalaryna keshendi psıhometrııalyq zertteý júrgizedi. Onyń nátı­jesi júrgizýshiniń qaýipsiz qozǵalys­qa qajetti bilim men daǵdylar deńgeıin dál aıqyn­daýǵa múm­kindik beredi.

Emtıhan úderisine jasandy ıntellekt elementteri de engiziledi. Teorııalyq kezeńde tolyqtyrylǵan shynaıylyq tehnologııasy qoldanylsa, prak­tıkalyq synaq kompıý­terlik kórý júıesiniń kómegimen ba­qy­lanady. Mundaı she­shimder tyıym salynǵan qurylǵylardy paı­da­laný yqtımaldylyǵyn azaıtyp, talap buzyl­ǵan jaǵdaı­lar­dy naqty tirkeýge jol ashady.

Ákimshilik jaýapkershilik normalaryn engizý de usynyldy. Ol qyzmet alýshylarǵa da, zańsyz jolmen kýálik alýǵa kómek­tesetin tulǵalarǵa da qatys­ty bolady. Emtıhan kezinde mıkroqulaqqap, jasyryn kamera sekildi quryl­ǵy­­l­­ardy qoldaný, baılanys sıg­nal­da­ryn qabyl­daıtyn nemese tara­tatyn tehnıkany paıdala­ný zań buzýshylyq retinde qara­lady. Mundaı jaǵdaıda teorııa­lyq emtıhan tapsyrý quqyǵy­­nan bir jylǵa aıyrý tetigi qaras­tyrylǵan.

Avtomektepterdiń qyzmetine qoıylatyn talaptar da kúsheı­tiledi. Baǵalaý kezinde júrgizý­shilerdi daıarlaý sapasy men azamat­tardyń pikirleri eske­riledi. Lısenzııalaý júıesin engizý josparlanyp otyr. Oqytý deń­geıi tómen bolǵan jaǵdaıda ruqsat qujatyn keri qaıtaryp alý múmkindigi kózdelgen.

Usynylǵan sharalar júrgizý­shi kýáligin alý rásimindegi ashyq­tyqty arttyryp, úderisti zama­naýı talaptarǵa beıimdeýge baǵyt­­talǵan. Júıeli ózge­rister jol qozǵalysy qaýipsizdigin qam­tama­syz etýge yqpal etedi.