Foto: Polisia.kz
Jedel-izdestirý is-sharalary barysynda aqpan aıynda Oral qalasynda qarasora tuqymdas ósimdikterdi zańsyz ósirdi degen kúdikpen eki azamat ustalǵan. Tekserý kezinde olardyń biriniń jeke úıinen jeldetý júıesi men jaryqdıodty shamdarmen jabdyqtalǵan, qarasora ósirýge beıimdelgen jasyryn jertóle tabyldy.
Astanada jaldamaly páterlerde esirtki saqtaǵan kúdikti ustaldy
Polisia.kz-tiń málimdeýinshe, oqıǵa ornynan 7 túp ósimdik, býyp-túıilgen ósimdik tektes zattar, arnaıy qural-jabdyqtar jáne 14 mıllıon teńgeden astam aqsha tárkilendi.
Al ekinshi kúdiktiniń páterinen arnaıy jabdyqtalǵan eki jylyjaı-shatyr anyqtalyp, odan 22 túp qarasora, túrli paketter men ydystarǵa salynǵan ósimdik tektes zattar jáne qajetti quraldar alynǵan.
Sonymen qatar, olardyń ata-anasynyń páteriniń balkonynyń astynan ósimdik tektes zat salynǵan 560 sirińke qoraby bar qap tabyldy. Aldyn ala esep boıynsha, onyń quny shamamen 13 mıllıon teńgeni quraıdy.
Jalpy alǵanda, tárkilengen esirtki zattarynyń salmaǵy shamamen 18-20 kelige jetken.
Almaty áýejaıynda 11 keli esirtkimen sheteldik ustaldy: Ol ómir boıyna sottalýy múmkin
Atalǵan derek boıynsha qylmystyq is qozǵaldy. Kúdiktilerdiń biri ýaqytsha ustaý ızolıatoryna qamaldy, al ekinshisine qatysty tergeý amaldary júrgizilip jatyr.
«О́zge málimetter Qazaqstan Respýblıkasynyń Qylmystyq-prosestik kodeksiniń 201-babyna sáıkes jarııa etilmeıdi», delingen habarlamada.
