Foto: csp-parasport.kz (arhıv)
Týrızm jáne sport mınıstrliginiń málimetinshe, Úkimet qaýlysyna sáıkes halyqaralyq arenada joǵary nátıje kórsetken sportshylar men jattyqtyrýshylardy yntalandyrý úshin shamamen 5,5 mlrd teńge bólindi. Bul qarajat 2025 jyly Tokıoda ótken XXV jazǵy Sýrdlımpıadada júlde alǵan sportshylar men olardyń jattyqtyrýshylaryn marapattaýǵa baǵyttalǵan. Nátıjesinde 32 sportshy men 42 jattyqtyrýshy syıaqy aldy.
Syıaqy mólsheri qoldanystaǵy zańnamaǵa saı belgilengen. Atap aıtqanda, altyn medal úshin – 130 mln teńge, kúmis medal úshin – 78 mln teńge, qola medal úshin – 39 mln teńge tólendi. Budan bólek, 4-6 oryn alǵan sportshylarǵa 2,5 mln teńgeden 15 mln teńgege deıin qarjylaı qoldaý kórsetildi.
Faına Meırmanova Sýrdlımpıada rekordyn ornatyp, chempıon atandy
Atalǵan Sýrdlımpıadaǵa 81 elden shamamen 3 myń sportshy qatysqan. Qazaqstan quramasy sporttyń segiz túrinen synǵa túsip, jalpykomandalyq esepte 9-orynǵa turaqtady. Ulttyq qurama qorjynyna 25 medal – 8 altyn, 4 kúmis jáne 13 qola tústi.
Mınıstrlik ókilderiniń aıtýynsha, mundaı tólemder sportty memlekettik deńgeıde júıeli qoldaýdyń bir bóligi sanalady. Bul bastama joǵary jetistikterdi odan ári damytýǵa jáne Qazaqstannyń halyqaralyq arenadaǵy bedelin nyǵaıtýǵa baǵyttalǵan.
