foto: Mark Schiefelbein/AP
Tramp Álı Hameneıdiń uly Modjtaba Hameneıdi bul qyzmetke laıyq emes dep sanaıdy.
Axios basylymyna bergen suhbatynda AQSh prezıdenti amerıkalyq taraptyń málimeti boıynsha, marqum bolǵan Irannyń joǵarǵy kóshbasshysy Álı Hameneıdiń uly Modjtaba eń yqtımal murager sanalady. Alaıda Tramp mundaı nusqany qabyldaýǵa bolmaıdy dep esepteıtinin jetkizdi.
«Olar ýaqytty bosqa joǵaltyp jatyr. Hameneıdiń uly – «álsiz tulǵa». Men taǵaıyndaý prosesine qatysýym kerek. Hameneıdiń uly men úshin qolaısyz. Bizge Iranǵa úılesim men beıbitshilik ákeletin adam kerek», dedi Donald Tramp.
Sondaı-aq Tramp AQSh Hameneı saıasatyn jalǵastyratyn kóshbasshyny qabyldamaıtynyn aıtty. Onyń sózinshe, mundaı saıasat «bes jyldan keıin amerıkalyq áskerdi qaıta soǵysqa tartýy múmkin».
Aıta keteıik, Sarapshylar assambleıasy Irannyń burynǵy joǵarǵy kóshbasshysy Álı Hameneıdiń uly Modjtaba Hameneıdi eldiń kelesi rýhanı ári saıası jetekshisi etip tańdaǵan edi.
