Júıe azamattardyń júzin tanyp, agressıvti minez-qulyqty, adamdardyń shamadan tys jınalýyn jáne ózge de kúmándi jaǵdaılardy avtomatty túrde tirkeıdi. Mundaı jaıt anyqtalǵan sátte jedel qyzmetterge birden dabyl sıgnaly jiberiledi. Sondaı-aq, júıege izdeýdegi, eseptegi tulǵalardyń fotosýretteri engizilgen. Olar kamera obektıvine ilingen boıda bet pishinderi arqyly sáıkestendirilip, lezde jedel basqarý ortalyǵyna habarlama túsedi.
Atyraý oblysy Polısııa departamenti jedel basqarý ortalyǵy bastyǵynyń orynbasary ári jedel den qoıý bóliminiń bastyǵy Janat Rahmetovanyń aıtýynsha, beıneanalıtıka júıesi óz tıimdiligin dáleldep úlgergen.
«Jyl basynan beri beıneanalıtıka júıesiniń kómegimen 72 adam anyqtalyp, onyń ishinde 28 quqyq buzýshy polısııaǵa jetkizildi. Anyqtalǵandardyń basym bóligi – áýejaı, temirjol jáne avtovokzal aýmaqtarynda jasandy ıntellekt arqyly bet beınesi sáıkestendirilip tanylǵan azamattar», dedi ol.
Ishki ister mınıstrliginiń málimetinshe, mundaı ıntellektýaldy júıelerdi oblystyń ózge aýdandaryna ornatý josparlanyp otyr.
Nurbolat AMANBEK
