Foto: JI kómegimen jasalǵan
Eske sala keteıik, 12 naýryzdan bastap kameralar arqyly tirkeletin quqyq buzýshylyqtar kóbeıdi. Endi jol erejesin buzý faktisi sıfrlyq júıeler (kameralar) arqyly anyqtalsa, aıyppul burynǵydaı kólik ıesine emes, tikeleı rólde otyrǵan adamnyń atyna jazylady. Bul maqsatta barlyq derekter Ákimshilik óndiristerdiń biryńǵaı tizilimimen (ÁО́BT) ıntegrasııalanǵan. Eger buǵan deıin avtomatty júıeler jyldamdyqty asyrý men baǵdarshamǵa baǵynbaý sııaqty 6 túrli erejeni baqylasa, endi olar qaýipsizdik beldigin taqpaǵandardy jáne kólik tizgininde telefonmen sóılesý erejesin buzǵandardy da múltiksiz anyqtaı bastady.
Kamera tirkeıdi, qyzmetker tekseredi
Kópshilik arasynda «jol qozǵalysyn baqylaý kameralary aıyppuldy avtomatty túrde salady» degen jańsaq túsinik qalyptasqan. Ishki ister mınıstrliginiń málimetinshe, bul proses tolyqtaı avtomattandyrylmaǵan. Beınebaqylaý kameralary túsirgen árbir kadr, árbir sekýndtyq materıal mindetti túrde ýákiletti qyzmetkerlerdiń súzgisinen ótedi.
«Jol qozǵalysyn baqylaý kameralary quqyq buzýshylyqtardy avtomatty túrde tirkeıdi. Alaıda aıyppul salý tolyqtaı avtomatty túrde júrgizilmeıdi. Kamera túsirgen materıaldar mindetti túrde ýákiletti qyzmetkerlerge jiberilip, olar ár jaǵdaıdy jeke tekseredi. Iаǵnı árbir tirkelgen fakt boıynsha barlyq quqyq buzýshylyq belgileri qaralady. Qyzmetker foto/vıdeo materıaldy taldap, naqty sheshim qabyldaıdy. Osylaısha, negizsiz aıyppul salý táýekeli azaıady», dep túsindirdi mınıstrliktiń baspasóz qyzmeti.
Osy tusta keıbir júrgizýshilerdiń telefondy jasyrý, bet-álpetin bas kıimmen kólegeıleý sııaqty áreketteri esh kepildik bermeıtinin uǵyný qajet. Mınıstrlik mamandary kamera tek kúdikti belgini anyqtaıtynyn, al sońǵy sheshimdi qyzmetker qabyldaıtynyn eskertedi.
«Jol júrisi týraly» zańnyń 54-baby 4-tarmaǵyna sáıkes júrgizýshige kólik júrgizý kezinde telefondy qolda ustap paıdalanýǵa tyıym salynady. Qandaı maqsatta bolsa da (sóılesý, jazý, oqý, navıgator qaraý, vıdeo túsirý) eger telefon qolda bolsa, bul quqyq buzýshylyq bolyp sanalady. Tipti kólik ýaqytsha toqtaǵan jaǵdaıda da (baǵdarsham, keptelis) júrgizýshi kólikti basqaryp kele jatqan bolyp esepteledi. Bylaısha aıtqanda, baǵdarshamǵa toqtap turǵanda da, kepteliste toqtap turǵanda da qolda telefondy paıdalaný buzýshylyq bolyp sanalady», delingen resmı jaýapta.
Zańnama júrgizýshini baılanys quralynan tolyq ajyratýdy maqsat tutpaıdy, tek qaýipsizdik talaptaryn qatań saqtaý qajettigin eskertedi. Mynadaı jaǵdaılarda telefondy paıdalanýǵa ruqsat etiledi:
- Qulaqqap arqyly sóılesý;
- Daýys zoraıtqysh;
- Kóliktiń mýltımedıa júıeleri;
- Daýyspen basqarý. Iаǵnı, telefondy qolǵa ustamaı daýyspen basqarýǵa bolady.
Eger azamat aıyppul zańsyz salyndy dep eseptese, Ákimshilik quqyqbuzýshylyq týraly kodekstiń 44-taraýyna sáıkes shaǵymdanýyna bolady. Mınıstrlik ókilderi mundaı jaǵdaıda foto-vıdeo dáleldemeler, kýágerlerdiń sózderi men ózge de materıaldar isti qaıta qaraýǵa negiz bola alatynyn aıtady.
Sondaı-aq zań boıynsha kamera telefondy tirkegen jaǵdaıda aıyppul kólik ıesine rásimdeledi. Biraq, eger ıesi sol sátte rólde basqa adam bolǵanyn zańdy túrde dáleldeı alsa, jaýapkershilikten bosatylady.
