Arnapress.kz habarlaýynsha, qaıǵyly oqıǵa 5 naýryz kúni bolǵan.
«Áskerı tehnıkany paıdalaný kezinde qaýipsizdik talaptarynyń buzylýy saldarynan kelisimshart boıynsha qyzmet etetin áskerı qyzmetshi ómirimen úılespeıtin jaraqat aldy. Osy fakti boıynsha sotqa deıingi tergeý amaldary júrgizilip jatyr. Oqıǵa ornynda quzyrly organdardyń ókilderi jumys istep jatyr», dep habarlady Abaı óńirlik garnızony.
Qazaqstan Qarýly Kúshteri Qurlyq áskerleriniń qolbasshylyǵy men jeke quramy qaza bolǵan áskerı qyzmetshiniń týǵan-týystary men jaqyndaryna kóńil aıtty.
Garnızon ókilderi marqumnyń otbasyna belgilengen tártip boıynsha qajetti qoldaý kórsetiletinin jetkizdi.
Eske sala keteıik, qańtar aıynda Mańǵystaý oblysynda kelisimsharttaǵy áskerı qyzmetshi KamAZ júk kóliginiń astyna túsip, qaza bolǵan. Jol-kólik oqıǵasy túngi ýaqytta taıǵaq jolda bolǵan.
