Buǵan deıin joǵary synyptardyń oqýshylary «Birgemiz: Bilim» jobasynyń aıasynda aýyl mektepteriniń oqýshylaryna qosymsha bilim berýge kirisken bolatyn. Onlaın bilim berý qajetti pánder boıynsha tegin oqytylady eken. Qazir bul iske Taldyqorǵandaǵy zııatkerlik mekteptiń 100 oqýshysy erikti retinde jumylǵan. Olar 805 aýyl balasyna túrli pánnen sabaq berip júr. Qashyqtan oqý kezinde qosymsha bilim alý ári oǵan tegin qol jetkizý úlken jetistik pen kómek ekeni anyq.
– Men zamandastaryma aǵylshyn tilinen qosymsha dáris oqımyn. Aptasyna 3 ret 40 mınýttan sabaq ótemiz. Tildi ońaı meńgerýdiń baǵdarlamasy arqyly oqý, jazý, sóıleýdi úıretemin. О́zim qatarly balalarǵa bilgenimdi aıtyp, áńgimelesý óte qyzyq, – deıdi Nazarbaev zııatkerlik mektebniń 10-synyp oqýshysy Álisher Bekmustafaev.
Sondaı-aq mektepte «Urpaqtar sabaqtastyǵy» jobasy aıasynda qaıyrymdylyq sharasyn uıymdastyrý jolǵa qoıylǵan. Osy joly Qarttar kúnine oraı oqýshylar ata-analarynyń qoldaýymen jalǵyzilikti zeınetkerlerge azyq-túlik sebetterin tabystady. Balalar bir kúnde 65 qarııanyń úıin aralady. Olar qarttarǵa azyq-túlik sebetinen bólek, «Júregimniń bir bóligi» atty aksııa arnady. Munda oqýshylar adamdarǵa ózderi jasaǵan quttyqtaý hattaryn syılady. Ata-ájelermen suhbattasý da kezdesýdiń mańyzdy bóligine aınaldy. Kezdesýde oqýshylar halyqaralyq meıramnyń tarıhy men ony ár úıde ótkizý dástúrleri týraly jáne memleket tarapynan qarııalarǵa kórsetiletin kómek týraly da aıtyp ótti. Sonymen qatar búkil álemdegi adamdardyń ómir súrý uzaqtyǵyna qatysty qyzyqty derekterge, Gınnestiń rekordtar kitabyna engen kóptegen egde jastaǵy adamdardyń jetistikterine toqtaldy.
– Qarttar bala sııaqty sezimtal, ańǵal jáne qarapaıym. Olar – bizdiń qazynamyz, tarıhymyz. Aǵa urpaqpen kezdesý arqyly jas býyn ólsheýsiz tálim-tárbıe alary haq. Adam boıyndaǵy eń jaqsy qasıetterdi damyta otyryp, biz ózimizdi meıirimdilik pen janashyrlyqqa úıretemiz, – deıdi óz oıymen bólisken 12-synyp oqýshysy Darıa Stepanova.
Almaty oblysy
