Soǵan áýejaı ǵımaratynyń mańdaıshasyna qaharman ushqyshtyń esimi jazyldy. Endi áýejaı aldyna ornatylǵan memorıaldyq taqta ashyldy.
"Ekinshi dúnıejúzilik soǵys halqymyzǵa ońaı bolmady. Mıllıondaǵan bozdaq maıdan dalasynda máńgilikke qaldy. Jaralanyp oralǵandar densaýlyǵyn joǵaltty. Soǵysta qazaqtyń qaısar qyzdary da erliktiń qaıtalanbas úlgisin kórsetti. Sonyń biri – dańqty ushqysh Hıýaz Dospanova. Onyń áýeden soqqy jasaýdaǵy erligi elimizdiń Halyq Qaharmany ataǵymen laıyqty baǵalandy. Bıyl Atyraýdaǵy halyqaralyq áýejaı batyrdyń esimi berildi. Biz árkez dańqty maıdangerlerimizdiń erligin keıingi urpaqqa keńinen nasıhattap, qurmet tutamyz", dedi oblys ákimi Mahambet Dosmuhambetov.
Oblystyq ardagerler keńesiniń tóraǵasy Qatımolla Rızýanovtyń aıtýynsha, dańqty ushqyshtyń erligin nasıhattaý qolǵa alynypty. Sonyń qatarynda Hıýaz Dospanova atyndaǵy medal da bar.
