Qazaqstandyq anımatorlar fılmder men serıaldardyń, sonyń ishinde anımasııalyq fılmderdiń iri óndirýshisi – amerıkalyq Netflix kompanııasyna usynylatyn «Tarıh kerýeni» mýltıplıkasııalyq serıalyn shyǵarý úshin ázirlikti bastady. Jobaǵa Ulttyq kınony qoldaý memlekettik ortalyǵy demeýshilik kórsetedi.
«Tarıh kerýeni» anımasııalyq serıaly – bul Jibek joly boıymen kerýende saıahattaıtyn úsh qyz ben Aıdahar ata týraly qyzyqty qııal-ǵajaıyp oqıǵa. Bul álemde tańǵalarlyq dúnıe kóp – zamanaýı tehnologııalar men sıqyr, ınternet pen ulttyq dástúrler de bar. Serıaldy jasaýshylar kishkentaı kórermenderge ortaq úı – Jer planetasy, onyń názik uńǵyl-shuńǵyldary men ekologııasy úshin jaýapkershiliktiń mánin jetkizgisi keledi.
«Bul úsh qyz ben olardyń tálimger atasy týraly qııal-ǵajaıyp oqıǵa. Serıaldyń astarynda jasyryn sabaq bar – ulttyq salt-dástúrlerdi saqtaý, qoǵamda ózin durys ustaý jáne bizge mura bolyp qalǵan nárseni qorǵaý. Qazir biz ssenarıı jazýdy aıaqtap qaldyq, jobanyń sońǵy stılin ázirlep jatyrmyz. «Tarıh kerýeni» YouTube platformasynda jáne strımıng-servısterde ornalastyrylady degen josparymyz bar. Bul mýltfılmdi Netflix kompanııasyna satý jáne olardyń resýrstarynda paıda bolatyn Qazaqstannyń alǵashqy anımasııalyq serıalyna aınalý bizdiń órshil josparymyzdyń biri. Sondyqtan qazir basqa jobalardyń stılıstıkasyn egjeı-tegjeıli zerttep otyrmyz. О́zindik qalyptasqan formalary men kórkemdik tujyrymdamalary bar Dısneı jáne Pixar-men «vıjýal» jaǵynan básekelesýge daıyndalyp jatqan jaıymyz bar», – dedi jobanyń jelilik prodıýseri Mádı Qasymbala.
Joǵaryda atap ótkendeı, «Yrysy Aq Qazaqstan» kompanııasy otandyq anımasııalyq naryqta 2008 jyldan beri jumys istep keledi. Olardyń qorjynynda «Balapan» telearnasy men 7 arnanyń tapsyrysy boıynsha jasalǵan birneshe anımasııalyq serıal bar. Sonymen qatar «Yrysy Aq Qazaqstan» anımatorlarynyń túrik jáne shveısarııalyq áriptesterimen jumys isteýde aıtarlyqtaı tájirıbesi bar.
ALMATY
