Keshigip jetken jańalyqtyń mańyzy joǵalady

1990 jyldardyń basyndaǵy toqyraý kezeńinde baspasózge jazylý óte qıyn boldy. Odan keıin el egemendigin alǵan tustan bastap, ulttyq baspasózge degen oqyrmannyń rýhanı suranysy arta tústi.

Poshta qyzmeti arqyly qansha­ma gazet-jýrnal jazylýshy­lar­­dyń qolyna jetip jatty. Deı­tur­ǵanmen, «halyqtyń úni bol­ǵan basylymdar bizge ýaq­tyly jetpeıdi», degen syn-eskert­peler de jıi aıtylyp jatady. Bu­ǵan bola barlyq poshta qyz­met­ker­lerin aıyptaýǵa bolmaıdy. Olar­dyń ishinde óz jumysyna de­gen mahabbaty ózgeshe jandar kóp.

42 jyldan keıin zeınetke shyqqan shaǵymda zeınetaqy qoryndaǵy sanaqtan ózimniń 1993 jyly aılyq jalaqymnyń 80 teńge bolǵanyn, sodan 8 tıyn zeınetaqy qoryna aýdarylyp turǵandyǵyn kórip tańdandym. Sol qıyn-qystaý jyldarda az ǵana jalaqyǵa atalǵan salada tapjylmaı eńbek ettim. Búgin­de sol beınettiń jemisin tatyp otyrmyn.

Kúndelikti jumysta aldyma kelgen basylymdardy paraqtap otyryp, ózimniń oı-órisimdi, biliktiligimdi arttyrdym. О́z ortamda qazaq baslymydaryna janashyr jannyń biri boldym.

Joldasym, «Egemen Qazaq­stan» gazetinen bastap birqatar respýblıkalyq basylymdy úzbeı oqıtyn. Bir kún kelmeı keshigip jatsa, kádimgideı sabyrsyzdanyp kútetin. Ár gazetti túgendep, ret-retimen tigindi jasaıtyn. Biz eńbek etken jyldary gazet-jýrnal kúndelikti jetkizilip turatyn. Tipti alty jumys kúni tynbaı taratý jumystarymen aınalysatyn. Al qazir aptasyna 1-2 ret jınap jetkizip jatady.

Ashy da bolsa shyndyq, búgin­de poshta salasynda gazet-jýrnal jetkizýmen aınalysyp júrgen keı áriptesterimiz óz qyzmetine júr­­dim-bardym qaraıdy. Sal­dary­nan aqparatty ınternet ar­qyly alǵan oqyrmanǵa keshi­gip jetken gazettiń mańyzy joǵa­lyp jatady. Osy oraıda altyn arqaýǵa aınalǵan baılanys qyz­­metiniń mamandaryn óz isiniń shy­naıy janashyry bolýǵa shaqyramyn.

Keıde, gazet oqylmaıdy, ja­ńa­­­lyq­­­tardy smartfonnan oqyp ala­­myz degen áńgime aıty­lyp, ja­­zylyp júr. Men oǵan keli­se qoı­­­maımyn. Sebebi bizdiń býyn áli de gazetti qolǵa ustap oqy­­ǵan­dy, ony saqtaǵandy ádetke aı­nal­­­dyrǵan. Tehnıka buzyla­dy, is­ten shyǵady. Al qaǵazǵa basyl­ǵan gazet tarıh bolyp arhıvterde turady.

Qadısha BALYMBETOVA,

baılanys qyzmetiniń ardageri