Qazaqstan • 07 Qazan, 2020

Memqyzmetshilerge qundy syılyqtar tartý etýge tyıym salyndy

41 ret kórsetildi

Memleket basshysy sybaılas jemqorlyq kórinisterin júıeli túrde aldyn alý boıynsha qosymsha sharalar engizýge baǵyttalǵan Zańǵa qol qoıdy. Bul týraly Ortalyq kommýnıkasııalar qyzmetinde ótken brıfıngte QR Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov málim etti.

Onyń aıtýynsha, qazirgi ýaqytta Qylmystyq kodekstiń 367-babyna sáıkes («Para berý») memlekettik fýnksııalardy atqarýǵa ýákiletti tulǵalarǵa, olarǵa teńestirilgen tulǵalarǵa, jaýapty memlekettik laýazymdy atqaratyn tulǵalarǵa nemese laýazymdy tulǵalarǵa buryn jasaǵan zańdy áreketteri (áreketsizdigi) úshin quny 2 aılyq eseptik kórsetkishten asatyn syılyqtar tartý qylmystyq jaýapkershilikke ákep soǵady.

«Azamattyq kodekstiń 509-babymen kózdelgen normany Qylmystyq jáne Ákimshilik kodeksteriniń normalarymen sáıkes keltirý týra keldi. «Sybaılas jemqorlyqqa qarsy is-qımyl týraly» Zańda sybaılas jemqorlyqqa qarsy shekteýler qabyldaıtyn tulǵalardyń otbasy músheleriniń materıaldyq syıaqy, syılyqtar nemese kórsetiletin qyzmetterdi qabyldaýyna tyıym salynady», - dedi O. Bektenov.

Spıkerdiń atap ótýinshe, Ákimshilik quqyq buzýshylyq týraly kodekstiń 676, 678-baptaryna sáıkes, jeke nemese zańdy tulǵalardyń atalǵan tulǵalarǵa zańsyz syılyqtar berýi ákimshilik sybaılas jemqorlyq áreket bolyp sanalady. Quny 2 aılyq eseptik kórsetkishke deıingi syılyq ákimshilik jaýapkershilikke ákep soǵady, quny 2 aılyq eseptik kórsetkishten joǵary syılyq qylmystyq jaýapkershilikke ákep soǵady.

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar