Senat depýtaty jergilikti ákimderdiń jumysyn baǵalaýdy statıstıka derekterine táýeldi etý aýyldaǵy jaǵdaı týraly jalǵan aqparat berýge jol ashatynyn aıtty. Sonymen qatar ol mal sharýashylyǵynda janýarlar týraly málimetterdi burmalaý sýbsıdııalardy zańsyz alýǵa múmkindik týǵyzatynyna nazar aýdaryp, osy máselelerge qatysty birneshe usynysyn jetkizdi.
"Birinshiden, egin sharýashylyǵynyń jaı-kúıi týraly obektıvti derekter alý úshin sıfrlandyrý múmkindikterin barynsha paıdalaný kerek. Meniń oıymsha, aýyl sharýashylyǵynyń sıfrlandyrý máselesimen Esep komıteti muqııat aınalysýy qajet. Ekinshiden, mal sharýashylyǵynda adamı faktor yqpalyn tolyqtaı joıa otyryp, janýarlardy esepke alý men veterınarlyq qujattamany júrgizýdiń búkil júıesin sıfrlyq formatqa kóshirý asa mańyzdy", – dedi Aqylbek Kúrishbaev.
О́kinishke qaraı, bul turǵyda Aýyl sharýashylyǵy mınıstrligi tarapynan áli kúnge deıin eshqandaı sharalar qabyldanǵan joq.
