Damýshy elderdiń valıýtasy bir aıda tómendedi: túrik lırasynyń quldyraýy 5,2%, Reseı rýbliniń tómendeýi 4,9%-dy qurady, Meksıka, Brazılııa jáne Indonezııa valıýtalary 2,2% - 2,7%-ǵa tómendegen.
"Qyrkúıekte Brent markaly munaı baǵasy 10%-ǵa tómendep, maýsymdaǵy deńgeıge qaıta túsken. Suranysqa degen yqtımal shekteýler men usynystyń artýy týraly jańalyqtar munaı baǵasyna qosymsha qysym kórsetti. Lıvııa taý-ken kásiporyndary segiz aı úzilisten keıin munaı óndirýdi qaıta bastaǵanyn málimdedi. Úndistanda munaıǵa suranys tómendedi", dep túsindirdi Ulttyq bank tóraǵasynyń orynbasary.
Jalpy alǵanda, bir aıda Qazaqstan valıýtasy 2,8%-ǵa álsiredi (420,11 teńgeden 431,82-ge deıin). Álııa Moldabekova ne sebepti teńgeniń álsirep, rýbldiń nyǵaıǵanyn túsindirdi.
"Rýbldi qoldaıtyn faktorlar boldy. Úkimettiń valıýtalyq dırektıvasyna sáıkes, kompanııalarǵa memlekettiń qatysýymen taza valıýtalyq aktıvter mólsherin shekteý tapsyryldy, bul qosymsha valıýta usynysyn týdyrady. Oǵan qosa, RFOB Sberbank aksııalarynyń paketin satýdan túsken valıýta qaldyqtaryn satýǵa qaıta oraldy. Jalpy rýbl jyl basynan beri dollarǵa qatysty 26,5%-ǵa álsiredi, qyrkúıektiń ózinde 4,9%-ǵa álsiredi. Osy kezeńderde teńge tıisinshe 12,3%-ǵa jáne 2,8%-ǵa álsiredi", deıdi Álııa Moldabekova.
Teńge baǵamy eń aldymen syrtqy jáne ishki faktorlar negizinde qalyptasady, negizginen munaı baǵasyna táýeldi.
