Oblysymyzda Abaı Qunanbaevtyń 175 jyldyǵyna oraı myńnan astam is-shara uıymdastyryldy. Jyl basynan beri barlyq bilim berý uıymdarynda aqyn mereıtoıyna arnalǵan onkúndikter ótkizilýde. Oblystyń 23 mektebinde "Abaı eline saıahat" klýbtary ashylǵan. Aqyn murasyn zertteý boıynsha "Abaı álemi" ádebı jobasy júzege asyrylýda. Aqjarylqap jıynǵa qatysýshylar aldynda oblys ákimi Ermek Marjyqpaev quttyqtaý sóz sóıledi.
"Memleket basshysy Qasym-Jomart Toqaev "Abaı jáne XXI ǵasyrdaǵy Qazaqstan" atty maqalasynda uly aqynnyń shyǵarmalary búgin de ózektiligin joǵaltpaǵanyn, Abaıdyń oı-tujyrymdary barshamyzǵa qashanda rýhanı azyq bola alatynyn, sondyqtan, ultymyzdy jańǵyrtý isinde onyń eńbekterin basshylyqqa alyp, utymdy paıdalanýymyz kerektigin atap ótti. Oblysymyzdyń eki mektebine Ál-Farabı men Abaı esimderi berildi", deı kele, oblys ákimi bilim oshaǵynyń ujymyn mektepke Abaı esimin berý oqıǵasymen jáne Abaıdyń 175 jyldyq mereıtoıymen quttyqtap, tolaıym tabys tiledi.
Jınalǵan jurtshylyq aqyn alleıasyna shyrsha kóshetterin otyrǵyzdy. Dál ortada uly Abaıdyńmármár tastan somdalǵan alyp kitaby. Alleıaǵa kelgen jurt aqyn rýhymen syrlasyp, murasynatáý etpek. Mektep dırektory Dana Ysqaqova bilim oshaǵynyń Abaı esimin ulyqtaıtyndyǵyn jetkizdi. Aqyn Qýanysh Ospanov arnaý óleńin oqyp berdi.
Ulynyń ulaǵaty urpaǵyna ónege bolsa, ǵajap emes pe?!
Kókshetaý qalasy
