"Jappaı tártipsizdikter nátıjesinde týyndaǵan zorlyq-zombylyqpen jáne adamdardyń ómiri men densaýlyǵyna qater tóndirýmen ushtasatyn qalyptasqan jaǵdaıǵa baılanysty, sondaı-aq Qyrǵyz Respýblıkasy Konstıtýsııasynyń 15-babyna, 64-baby 9-bóliginiń 2-tarmaǵyna jáne "Tótenshe jaǵdaı týraly" Qyrǵyz Respýblıkasy Konstıtýsııalyq Zańynyń 3, 4, 7, 8-baptaryna sáıkes azamattardyń ómiri men densaýlyǵyn, olardyń qaýipsizdigin qorǵaýdy qamtamasyz etý múddesinde, budan bólek, Bishkek qalasynyń aýmaǵynda qoǵamdyq tártipti qamtamasyz etý maqsatynda:
Qyrǵyz Respýblıkasy Bishkek qalasynyń aýmaǵynda 2020 jylǵy 12 qazanda saǵat 20.00-den 2020 jylǵy 19 qazanda saǵat 07.00-ge deıin tótenshe jaǵdaı engiziledi", delingen habarlamada.
Eske sala keteıik, 9 qazanda Sooronbaı Jeenbekov Bishkekte tótenshe jaǵdaı rejımin engizdi. Ol 21 qazanǵa deıin sozylýy kerek edi.
