"Investorlardyń qorqynyshy men dollardyń nyǵaıýy damýshy elderdiń valıýtalarynyń álsireýine jáne munaıdyń arzandaýyna alyp keledi. Saldarynan munaıǵa suranystyń tómendeý qaýpi bolady", deıdi E.Dosaev
Onyń aıtýynsha, qyrkúıekte teńgeniń aıyrbas baǵamy birneshe syrtqy faktorlardyń yqpalynda boldy.
"Qyrkúıek aıynda álemniń jekelegen aımaqtarynda koronavırýstyń qaıta órshýi jaǵdaıynda jahandyq ekonomıkanyń qalpyna kelýi baıaýlaý nátıjesinde jáne munaıǵa suranystyń álsireýine baılanysty munaı 10 paıyzǵa arzandady", deıdi Ulttyq Bank basshysy.
Budan bólek, damýshy elderdiń valıýtalary, sonyń ishinde teńge qyrkúıek aıynda koronavırýspen aýyratyndar sanynyń artýy aıasynda álsiredi, bul ınvestorlardyń táýekel aktıvterine degen qyzyǵýshylyǵynyń tómendeýine jáne dollar baǵamynyń nyǵaıýyna ákeldi.
