Saılaýaldy baǵdarlamanyń jobasy talqylandy

– Elbasy, partııa Tóraǵasy N.Á.Nazar­baevtyń tapsyrmasymen partııaishilik saılaý ótkizý kezinde elimiz boıynsha azamattardan 20 myńnan astam usynys jınaldy. Onyń myńnan astamy Qostanaı oblysynyń turǵyndarynan tústi.

Taldaý kórsetkendeı, qarapaıym halyq negizinen aýyl ishindegi joldardyń sapasy, sý jáne gazben qamtý, turǵyn úı men bilim berý nysandaryn salý, aýyldyq mektepterde kompıýter tehnıkalaryn jańartý máselelerin kóterýde. Turǵyndardyń aýyldaǵy ınternettiń jyldamdyǵyna da kóńilderi tolmaı otyr. Kóterilgen máselelerdiń ózektiligin eskerip, olardy oblystyq saılaýaldy baǵdarlamada kórsetý qajettigin aıttym. О́ńir halqynyń úshten biri aýyldyq jerde turatyndyqtan, partııanyń Qostanaı oblysy boıynsha saılaýaldy baǵdarlamasy aýyl sharýashylyǵyn qoldaý sharalaryn kózdeıdi. Sonymen, taıaýdaǵy 5 jylda oblysta egis alqaptaryn ártaraptandyrýdy qamtamasyz etý, jańa sýarmaly jerlerdi aınalymǵa engizý, tehnıkany jańartý, sondaı-aq óńdeýshi aýylsharýashylyq kásiporyndaryn iske qosý men jańǵyrtý josparlanýda, – dedi Baýyrjan Baıbek.

Partııa Tóraǵasynyń birinshi orynbasary odan keıin óńirdi tabıǵı sútpen jáne joǵary sapaly ashytylǵan sút ónimderimen qamtamasyz etip otyrǵan «Olja Sadchıkovskoe» seriktestigine baryp, kásiporyn óndirisimen tanysty. Búginde 320 adamdy turaqty jumys ornymen qamtamasyz etip otyrǵan bul kásiporyn aımaqtaǵy damyǵan joǵary tehnologııaly óndirýshilerdiń biri. Kásiporyn qyzmetkerlerimen kezdesý barysynda Sadchıkov aýylynyń turǵyny Tamara Kıseleva osy eldi mekendegi jalpy uzyndyǵy 6 shaqyrym bolatyn eki ortalyq kóshege jóndeý júrgizýdi ótindi. Bul kóshelerdiń boıynda 1350-deı turǵyn bar. Baýyrjan Baıbek taǵy birneshe jumysshynyń ótinishin tyńdap, bul máselelerdiń júzege asyrylýyn tikeleı ózi baqylaýyna alatynyn jetkizdi.

Baýyrjan Baıbek odan keıin Qostanaı qalasyndaǵy jańa modýldi ınfeksııalyq aýrýhanamen tanysyp, óńirdiń medısına qyzmetkerlerimen densaýlyq saqtaý uıymdarynyń koronavırýs pande­mııa­synyń týyndaýy múmkin ekinshi tolqy­nyna daıyndyǵyn talqylady.

Nur Otan partııasy Tóraǵasynyń birinshi orynbasary jumys sapary barysynda Arqalyqqa aıaldap, Nur Otan-nyń qalalyq saılaýaldy baǵdarlamasynyń jobasy týraly turǵyndarmen pikirlesti.

Arqalyq sapary týraly B.Baıbek áleýmettik jelidegi jeke paraqshasyna: «Ar­qa­lyqqa keldim. О́zderińiz biletindeı, par­tııa Tóraǵasy N.Á.Nazarbaevtyń tap­syr­­­masymen árbir eldi mekenniń erekshe­ligi men máselelerin eskere otyryp, Nur Otan tuńǵysh ret ár óńir, qala men aý­dan boıynsha 216 saılaýaldy baǵdar­la­ma­nyń jobalaryn ázirledi. Elbasy atap ótkendeı, Nur Otan – naqty ister­diń par­tııasy, bizdiń saılaýaldy ýádeleri­miz­diń barlyǵy tyńǵylyqty eseptelýi tıis». Sondyqtan 5 jyldyq baǵdarla­ma­lar­da kórneki ındıkatorlar kórsetildi, bıýd­jettiń múmkindigimen sáıkesten­dirilgen naqty basymdyqtar reti kózdeldi. El Prezıdenti Q.K.Toqaevtyń «Halyq únine qulaq asatyn memleket» tujyrym­damasy iske asyryla otyryp, partııanyń bar­lyq saılaýaldy baǵdarlamalary azamattardyń talap-tilekteri eskerilip pysyqtalady.

Sonymen Arqalyq qalasynda partııa­ishilik praımerız barysynda 117 naqty usynys tústi. Turǵyndardy aýla alań­daryn abattandyrý men kóshelerdi ja­ryqtandyrý, bilim men densaýlyq saqtaý ny­sandaryn, joldar men ınjenerlik jeli­lerdi jóndeý sekildi máseleler tolǵan­dyrady.

Partııa fılıaly basshylyǵynyń málimetinshe, osy máselelerdiń barlyǵy baǵdarlamalardy pysyqtaý kezinde eskerilgen. Sonymen birge baǵdarlamanyń birqatar baǵyttary qosymsha pysyqtaýdy qajet etedi dep sanaımyn.

Mysaly, qazirgi tańdaǵy ózekti másele­lerdiń biri – 13 eldi mekendi uıaly baılanyspen qamtamasyz etý jáne ınternettiń jyldamdyǵyn arttyrý. Budan basqa, qala turǵyndary balalardyń oıyn alańdary sapasynyń nasharlyǵyna shaǵym aıtyp, eski avtobýstardy aýystyrý máselesin kóterýde.

Torǵaı boksıt ken basqarmasynyń jabylýy josparlanýyna baılanysty 500-deı adamdy jumyspen qamtý qajet. Saılaýaldy baǵdarlama aıasynda bul másele partııalyq baqylaýǵa alynady. Bul rette bosatylatyn adamdardyń bir bóligi qazirgi kezde basqa kásiporyndarǵa jumysqa ornalasty.

Solardyń biri – «Torǵaı Et» et óńdeý kesheni. Oblys ákimi Arhımed Muhambetovpen birge qalada 120-daı jańa jumys ornyn qurýǵa múmkindik bergen óndiris alańyn araladym.

Sapar barysynda qalany jylýmen qamtý júıesin rekonstrýksııalaý jaıymen de tanystym. Osynyń aıasynda Arqalyq JES-i mazýttan kómirge kóshirilmek. Bul shara jyl saıyn 2 mıllıardqa deıin bıýdjet qarajatyn únemdep, ony qalanyń basqa qajettilikterine qaıta baǵyttaýǵa múmkindik beredi. Bul jobany 2021 jyly aıaqtaý mindeti Nur Otan partııasynyń saılaýaldy baǵdarlamasyna engizilgen.

Sonymen qatar Arqalyq aımaqtyq aýrýhanasynyń ujymymen kezdestim. Memleket basshysy Q.K.Toqaev taıaý­da sóılegen sózinde pandemııanyń ekin­shi tolqyny bolǵan jaǵdaıda negizgi aýyrt­palyqtyń taǵy da dárigerlerge túseti­nin atap ótken bolatyn. Onyń tapsyr­masy boıynsha ekinshi jarty­jyl­­dyqta tólemaqyǵa 150 mıllıard teńge­den astam qarajat bólindi. Nur Otan par­tııa­sy fraksııasynyń depýtattary bıyl me­dısına qyzmetkerleriniń áleý­met­tik már­tebesin kóterý men qorǵaýǵa baǵyt­talǵan jańa «Densaýlyq týraly» kodeksti qa­byl­dady.

Medısına qyzmetkerlerimen birge partııanyń saılaýaldy baǵdarlamasyn talqyladyq. Onda densaýlyq saqtaý nysandarynyń materıaldyq-tehnıkalyq jabdyqtalýyn jaqsartý jáne halyqqa medısınalyq qyzmet kórsetý sapasyn arttyrý boıynsha naqty ındıkatorlar qamtylǵan», dep jazdy.

Qostanaı oblysy