Jaqynda Astana qalasynyń Jýrnalıster úıinde «Birlik» partııasynyń tóraǵasy Serik Sultanǵalı brıfıng ótkizdi. Onda ol jýrnalısterdi jańa saıası birlestiktiń jumysymen tanystyrdy.
– Búgingi tańda kóptegen memleketter Qazaqstan Respýblıkasynyń qarqyndy damyp kele jatqanyn moıyndaıdy. Elbasy tańdaǵan salıqaly saıasattyń arqasynda ekonomıkamyz órlep, turaqty jolmen damyp keledi. Qazaqstan Respýblıkasynyń azamaty retinde elimizdi kórkeıtýge, memleketimizdi órkendetýge atsalysý úshin men de saıasatqa keldim.
Jaqynda Astana qalasynyń Jýrnalıster úıinde «Birlik» partııasynyń tóraǵasy Serik Sultanǵalı brıfıng ótkizdi. Onda ol jýrnalısterdi jańa saıası birlestiktiń jumysymen tanystyrdy.
– Búgingi tańda kóptegen memleketter Qazaqstan Respýblıkasynyń qarqyndy damyp kele jatqanyn moıyndaıdy. Elbasy tańdaǵan salıqaly saıasattyń arqasynda ekonomıkamyz órlep, turaqty jolmen damyp keledi. Qazaqstan Respýblıkasynyń azamaty retinde elimizdi kórkeıtýge, memleketimizdi órkendetýge atsalysý úshin men de saıasatqa keldim.Jańa saıası birlestigimiz jóninde aıtatyn bolsaq, «Birlik» partııasy óz jumysyn erkindik, ádildik, adamgershilik pen otansúıgishtik qaǵıdattaryna negizdeı otyryp júrgizýdi kózdeıdi.
Biz úshin eń mańyzdysy – qoǵamdyq, áleýmettik, ulttyq jáne dinı qarama-qaıshylyqtarǵa jol bermeı, adamdar arasyndaǵy ózara senimdi nyǵaıtyp, Qazaqstan halqynyń birligin saqtaý bolyp tabylady. Bul rette partııa evolıýsııalyq joldy ustanady. Biz qoǵamnyń evolıýsııalyq damýyn jáne ulttyq qundylyqtar men dástúrge súıene otyryp, problemalardyń kezeń-kezeńmen sheshilýin qoldaımyz, – dep atap ótti Serik Sultanǵalı.
О́ziniń ıdeıalyq, saıası baǵyt-baǵdarynda partııa áleýmettik ádildikke aıryqsha kóńil bóledi. – Bizdiń partııamyzdyń maqsaty men mindeti – barlyq qazaqstandyqtar úshin teń múmkindikter jasaý, – dedi partııa tóraǵasy. – Ásirese, aýyl problemasy partııany qatty alańdatady. Kóptegen aýyldarda mádenıet oshaqtary óz jumystaryn áldeqashan toqtatqan. Olardyń kóbisi qırap, qalǵandary qańyrap bos tur. Biz ulttyq qundylyqtardy keń nasıhattaı otyryp, aýyldyń mádenı-rýhanı jańǵyrýyna múmkindik ashýdy kózdep otyrmyz. Aýyldaǵy mádenıet oshaqtarynyń, halyq teatrlary men kitaphanalardyń qaıta túleýine kúsh salamyz. Ol, sondaı-aq, ózin aýyl jastarynyń máselesi de qatty tolǵandyratynyn jetkizdi. Aýylda turatyn kóptegen balalardyń joǵary bilim alýǵa múmkindikteri joq. Sondyqtan da olarǵa arnap kásiptik-tehnıkalyq oqý oryndaryn ashý kerek. Onda oqýshyǵa jaqsy shákirtaqy qarastyrylyp, sapaly bilim berý qajet. Oqýdy bitirgen túlekter mindetti túrde jumyspen qamtylǵany jón, – dedi Serik Sultanǵalı. Ol, sondaı-aq, kóptegen jastardyń bos júrip, qylmysqa urynatynyna, túrli radıkaldy aǵymdardyń jeteginde ketetinine qynjylys bildirdi. – Elimizdiń bolashaǵy jastar.Sondyqtan óskeleń urpaqqa durys baǵyt berý bizdiń partııalyq qana emes, sonymen qatar, azamattyq paryzymyz bolyp tabylady, – dedi partııa jetekshisi.
Aıta ketetin jaıt, 14 qarashada «Birlik» partııasy óziniń alǵashqy mádenı sharasyn uıymdastyrady. Onda ádebıet, qolóner, sýret, dástúrli ánder jáne basqa da salalarda saıystar ótkiziledi. Sondaı-aq, jeńimpazdarǵa 24 grant bólingeni belgili boldy. Bul shara adamdardyń rýhanı azyq alýyna, boıyndaǵy talanttaryn shyńdaýǵa múmkindik beredi.
– «Birlik» negizinen sanǵa emes, sapaǵa umtylady. Bizge shaǵyn basshylyq apparaty bar jáne ózin sózben emes, naqty isimen dáleldeıtin myqty komanda qajet, – dedi partııa tóraǵasy.
Qazirgi ýaqytta partııanyń ortalyq apparatynyń quramyn qalyptastyrý aıaqtalyp keledi. Sondaı-aq, óńirlerde partııanyń fılıaldaryn qurý jumystary júrip jatyr.
– Bizdiń naqty maqsattarymyz ben mindetterimiz aıqyndaldy. Endigi kezekte oılaǵan jobalarymyzdy iske asyrýǵa bar kúshimizdi jumsaıtyn bolamyz, –dep sózin túıindedi Serik Sultanǵalı.
Aıdar О́RISBAEV,
«Egemen Qazaqstan».
ASTANA.
