Intelektýaldy jarystyń ashylý saltanatyna qatysqan Shymkent qalasy ákiminiń orynbasary Maqsut Isahov atalmysh jobanyń maqsaty jastardy zııatkerlik sport túrine baýlýǵa baǵyttalǵanyn atap ótti. Iаǵnı shahmat, toǵyzqumalaq jáne doıby oıyndary arqyly jastardyń oılaý qabiletin arttyryp, sanaly urpaq qalyptastyrý. Taǵy bir qýanarlyq jaıt, endi Shymkent qalasynyń mektepterinde shahmat óneri pán retinde engizilip, ıntellektýaldyq oıynnyń órisi keńeıetin boldy.
Shaharymyzda ótetin bul zııatkerlik oıyndar jeke bastyń minez-qulqynyń qalyptasýyna, olardyń ustamdy jáne izdenimpaz bolýyna, oılaý qabiletiniń artýyna yqpal etý bolmaq.
Joba jetekshisi, "Erkin oı" gazetiniń bas redaktory Baltabek Túıetaevtyń aıtýynsha, baıqaýda qatysýshylar 3 topqa bólinedi. Tarqatyp aıtar bolsaq, I top – jasóspirimder (14 jasqa deıin); II top – eresekter (40 jasqa deıin); III top – Ardagerler arasynda ózara saıysqa túspek.
"Oıly bolsań, ozyp kór!" baıqaýy 15 qazan kúni, ıaǵnı búgin shymyldyǵyn túrip, jyl sońyna deıin jalǵasady. Jalpy júlde qory – 2,5 mln teńge.
