Elimizde donorlyq júrekti transplantasııalaý boıynsha ekinshi ota sátti jasaldy. Bul jóninde «Ulttyq ǵylymı kardıohırýrgııa ortalyǵynda» ótken baspasóz máslıhatynda ortalyqtyń basqarma tóraǵasy Iýrıı Pıa málimdedi.
Elimizde donorlyq júrekti transplantasııalaý boıynsha ekinshi ota sátti jasaldy. Bul jóninde «Ulttyq ǵylymı kardıohırýrgııa ortalyǵynda» ótken baspasóz máslıhatynda ortalyqtyń basqarma tóraǵasy Iýrıı Pıa málimdedi.
«Barlyq qyzmettiń júıeli jumysy osy otanyń sátti ótýine septigin tıgizdi. Donorlyq júrek 1200 shaqyrym qashyqtyqtan, ıaǵnı, Almaty qalasynan 7 qarasha kúni jetkizildi. Negizinde, donordyń júregi tórt saǵattyń ishinde transplantasııalanýy kerek. Biz bul joly Organ Care System biregeı medısınalyq qondyrǵysynyń qyzmetin paıdalandyq. Bul qondyrǵy júrekti 12 saǵatqa deıin saqtaı alady. Endi eldiń kez kelgen túkpirinen donorlyq júrekti jetkizýge múmkindik bar», dedi Iý.Pıa.
Onyń aıtýynsha, donorlyq júrekti saqtaýǵa arnalǵan qondyrǵynyń baǵasy – 400 myń dollar. Ony tek arnaıy daıyndalǵan mamandar ǵana paıdalanyp, jumys isteı alady. Organ Care System qondyrǵysy búginde AQSh, Avstralııa men Germanııanyń álemdik deńgeıdegi úsh iri klınıkasynda ǵana paıdalanylady eken.
«Ota sátti ótti, qazir emdelýshiniń jaǵdaıy turaqty. Ári qaraı barlyǵy josparǵa saı bolady dep esepteımiz», dep atap ótti dáriger.
«Egemen-aqparat».
