Oryn alǵan qaıǵyly oqıǵaǵa baılanysty Polısııa departamentiniń bastyǵy Saǵat Mádıev Maqanshy aýylyny barǵan.
"Maqanshy aýylynyń polısııa bólimshesinde 33 jastaǵy er adamnyń qaıtys bolǵanyn rastaımyn, ol mal urlyǵy boıynsha kúdikti retinde polısııa bólimshesine jetkizilgen bolatyn. Meniń basqarýymmen arnaıy top quryldy. Osy fakti boıynsha О́zindik qaýipsizdik basqarmasy "Qınaý" baby boıynsha sotqa deıingi tergeý jumystaryn bastady", - deıdi polısııa polkovnıgi Saǵat Mádıev.
Sonymen qatar Polısııa departamenti bastyǵynyń aıtýynsha, prosessýaldyq prokýrorlardyń toby taǵaıyndaldy. Jaqyn týystarynyń qatysýymen oqıǵa ornyna qaraý júrgizildi. Qajetti saraptamalar, onyń ishinde patalogoanatomııalyq zertteýler ótkizildi. Ázirge saraptama nátıjeleri daıyn emes.
"Qaıtys bolǵan azamattyń otbasyna Úrjar aýdanyń ákimimen birge baryp, týystary men dostarynyń ýájderin tyńdadym, onyń barlyǵy qaralýda. Týystary men dostarynyń qaıǵysyna ortaqtasyp, kóńil aıtamyn. Kináli adamdar zańmen belgilengen jaýapkershilikke tartylady. Meniń ustanymym – tergeýdiń ádil, ári obektıvti júrgizilýi", - dedi Saǵat Mádıev.
Qaıǵyly oqıǵaǵa baılanysty qosymsha aqparattar bolsa, nazarymyzda ustaıtyn bolamyz.
