1.Qasym-Jomart Kemeluly Toqaev.
Memleket basshysy Qazaqstandaǵy eń yqpaldylardyń kósh basynda tur. Prezıdenttiń Twitter men Instagram jelisindegi resmı paraqshalaryn eskere otyryp jáne "Halyq únine qulaq asatyn memleket" saıasaty negizge alynǵan. Áleýmettik jelide eldiń túkpir-túkpirindegi oqıǵalardan habardar ekenin aıtpaı ótýge bolmaıdy.
2.Gennadıı Golovkın.
Qazaqstandyqtardyń maqtanyshy, bedeldi ári teńdessiz sport sheberi, jeksenbi kúni tańǵy 6-da júzdegen adamdy uıqysynan turǵyza alatyn jáne olardy ortaq maqsatta biriktiretin GGG-di esh kúmánsiz osy tizimge qosa alamyz.
3.Vadım Boreıko.
Vadım Boreıko – jýrnalıst, sholýshy. YouTube arnasyndaǵy "GıperBoreı" jobasynyń júrgizýshisi, "Kók Jaılaýdy saqtaıyq" ekologııalyq qozǵalysynyń belsendi múshesi bolýymen kópshilikke tanymal. Budan bólek, ol óz arnasy úshin qoǵam belsendilerinen qyzyqty ári tushymdy oı usynatyn avtolyq jobalar túsiredi.
4.Dımash Qudaıbergen.
Dımash Qudaıbergen Qazaqstannyń brendine aınaldy. Sebebi ol óz kúshimen jahanǵa tanylyp, elimizdiń abyroıyn odan ári kókke kóterdi. Dımash – naǵyz maqtan tutarlyq, úlken qurmet pen nasıhatty qajet etetin tulǵa der edik.
5.Marǵulan Seısembaev.
Marǵulan Seısembaev elimizdegi eń bedeldi jáne tájirıbeli kásipkerlerdiń biri. Kásipker bızneste jetken jetistikteri men quldyraǵan sátterin esh búkpesiz aıtyp beredi. Ol sonysymen de erekshelenedi. Aǵymdaǵy jyldyń 31 tamyzynda ol Ýkraınada ótken "Ofıse prostyh reshenıı ı rezýltatov" atty jobada Mıhaıl Saakashvılımen birge jumys atqaratynyn aıtyp ótti.
6.Aıdyn Rahymbaev.
Aıdyn Rahymbaev – kásipker, mesenat jáne kópbalaly jeti balanyń ákesi. Ol eńbek pen sportty, sondaı-aq otbasylyq qundylyqtardy aldyńǵy orynǵa qoıady. Qarapaıym aýyl balasy bolyp bastaǵan kásipker, búginde elimizdegi eń baı adamdardyń TOP-50-gine kiredi.
7.Skrıptonıt.
Kimde-kim oǵan Instagram jelisine tirkelse, onyń qazirgi tańda tarıhı otanynan tys jerge qonys aýdarǵanyn biledi. Ol alysta bolsa da, eldegi ishki ahýaldy baqylap otyrady. Mysaly, birneshe jyl buryn týǵan jeri Pavlodar qalasynynyń ákimdigine buzylǵan joldar týraly úndeý tastasa, al osydan bir aı buryn elorda ákimdiginiń halyqpen keri baılanysqa shyqpaıtynyna narazylyǵyn bildirgen edi.
8.Beıbit Álibekov.
Qazaqstandaǵy blogerlerdiń ishinde eń tanymaly ári sózi ótimdisi desek te bolady. Sebebi onyń ár jazǵan posty joǵary shendilerdiń nazarynan tys qalǵan emes. Osyǵan oraı onyń Densaýlyq saqtaý mınıstri Alekseı Soımen, Bilim jáne ǵylym mınıstri Ashat Aımaǵambetovpen jáne vedomstvonyń vıse-mınıstri Mıras Dáýlenovpen ótkizgen suhbattaryn elekten ótkizýge keledi.
9.Dosym Sátpaev.
Saıasattanýshy Dosym Satpaev Qazaqstanda bolyp jatqan mańyzdy oqıǵalarǵa jedel áreket etip, kásibı turǵydan kórshi elderdegi saıası naýqandarǵa túsinikteme beredi. Ol árdaıym paıymdy oı qozǵaıdy.
10.Nurtas Adambaı.
Shoý-bıznestegi adamdardyń qoǵamdaǵy rólin aıqyndap bergen azamat. Ol áleýmettik jelilerde tek shyǵarmashylymen aınalysyp qana qoımaı, áleýmetti tolǵandyryp júrgen birtalaı suraqty kóterip, soǵan tıisti jaýabyn da ala alady.
11.Qaırat Qudaıbergen.
Qaırat Qudaıbergen – kásipker, qoǵam qaıratkeri, Almaty máslıhatynyń depýtaty. Kásipker áleýmettik jelilerde aýqymdy aýdıtorııaǵa ıe bola otyryp, problemalardy atqarýshy organdarǵa jetkizýge múmkindigi bar. Eń qýanyshtysy, Qaırat Qudaıbergenniń muryndyq bolýymen qoǵamdyq oryndarda elektrondy temeki men kalıan shegýge zań júzinde tyıym salyndy.
12.Álisher Elikbaev.
Álisher Elikbaev qazaqstandyqtardyń ómirine qalaı áserin tıgizip jatqanyn aıtý qıyn. Alaıda ol ár senbilikte "Tınder dlıa bednyh" aıdaryn áleýmettik jelilerde belsendi júrgizip otyrady.
13.Djohar Ýtebekov.
Djohar Ýtebekov – óte saýatty azamat. Ol quqyqtyq normalardyń jıyntyǵyn jaqsy biledi. Kóbine-kóp ony Facebook jelisiniń ádilettik daýysy dep atap jatady. О́ıtkeni, ol zańdy organdardan góri jedel aqparat pen keńes berýge tyrysady.
14.Nurlan Sabýrov.
Saýaldamalardyń ishinen kóbi Sabýrovty tańdaǵan. Onyń yqpaldy er azamattardyń qataryna kirýi de, osy ázilderi men ınternettegi belsendiliginiń arqasynda.
15. Aısultan Seıitov.
Jas rejısser, klıpmeıker TMD elderiniń oryndaýshylary úshin klıpter túsiredi. Onyń jumystary joǵary sheberlikpen erekshelenedi. Ol sonysymen de reseılik jáne ýkraındyq shoý-bıznesegi eń tanymal ári eń qymbat klıpmeıker.
