Aımaqtar • 20 Qazan, 2020

Móldirbulaqtyń kózin ashty

92 ret kórsetildi

Demalys kúni qala ákimdiginiń bir top qyzmetkeri men velosportshylar Aqtóbe qalasynyń irgesindegi Eski sút zaýyty aýmaǵyndaǵy kómilip qalǵan bulaqtyń kózin ashyp, osy tóńirekti qoqystan tazartty.

Bul – Elek ózenin toltyryp turatyn Móldirbulaq týraly osy jerdiń qart kisileri jaqsy biledi. Kezinde sýy mól­dir ári tushy, bastaýynan atqylap aǵyp, óz jylǵasymen Elekke aǵatyn Mól­dir­bulaqty sońǵy on-on bes jylda jurt umyt­ty. Umytqany sonshalyqty, bulaq ar­nasy men aınalasy shóp-shalamnan, qo­qys­tan tazartylmaǵasyn ol kómilip, tipti tóńiregine taý bolyp úıilgen turmystyq qaldyq ta qaptady. Onyń ústine, bu­laqtyń bastaýyn qysy-jazy tazalap tu­ratyn qarttar qazir bul ómirde joq.

Aqtóbelik velosportshylar bir aıdan beri osy mańaıdy qoqystan tazartyp, Móldirbulaqtyń bitelip qalǵan jylǵalaryn arshýdy bastaǵan edi. Sportshylarǵa jeksenbi kúni Aqtóbe qalalyq ákimdiginiń qyzmetkerleri de qosyldy. Olar balalarymen birge osy bulaqtyń mańaıyn túgel tazartyp, tazalanǵan aýmaqqa tal ekti. Bul joly bulaq kózi ábden tazalanǵan soń jer astyna shyqqan sý birte-birte kóterilip, burynǵy arnasyn taýyp aǵa bastady.

«Bulaq sýy laılanyp shyǵyp jatyr. Ázirge kózi túgel tazalanyp bit­ken joq. О́ıtkeni qatty las­tan­ǵan. En­di bulaq sýy birte-birte tazaratyn bolady. Turǵyndarymyz tabı­ǵatqa janashyrlyqpen qarap, qala taza­lyǵyna, tabıǵatty aıalaýǵa mán berse, Aq­tóbeniń tóńiregin buryn­ǵysynsha jasyl jelekpen kómkerýge bolar edi», deı­di qala ákimi Ashat Shaharov.

Osy jerdegi Bestamaq aýylynyń turǵyndary nege ekeni belgisiz, Mól­dirbulaqtyń aınalasyna qoqys tógip, qorasynan shyqqan sıyr, qoı-eshkileri de beı-bereket jaıylyp, osy tóńirekti lastap ketip jatady. Aqtóbelik velosportshy Roman Sharıpov bala kúninde osy bulaqtyń sýy móldir, ári tushy bolǵanyn aıtady. «Qazir bulaq kózine atalarymyz ornatqan eski dóńgelekti aýystyryp, ony bıiktetip, aınalasyna qorshaý ornatýdy oılastyryp otyrmyz. О́ıtkeni dál osy kúıde qaldyrsaq, bulaq kózin jurt taǵy da bitep tastaıdy, ári mal tuıaǵymen taptaıdy», deıdi Roman Sharıpov.

Keingi jyldary Aqtóbeniń tó­ńiregindegi Elek, Qarǵaly ózende­riniń sýy múlde azaıyp, arnasy tolmaı júr. О́zen arnalarynyń azaıýynyń bir sebebi – bulaq kózderiniń bitelýinde deıdi gıdrogeolog mamandar. Ekinshi jaǵynan, osy sý arnalaryna jaqyn jerden beı­be­reket qum alatyn karerlerdiń kó­beıýinen de bulaq kó­zderi jabylyp qalǵan.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Uqsas jańalyqtar