Qazaqstan Respýblıkasy Ulttyq olımpıadalyq komıtetiniń bas hatshysy Andreı Krıýkov, Stýdenttik kıbersport ulttyq qaýymdastyǵynyń prezıdenti Asqar Nurpeıisov jáne Qazaq kıbersport federasııasynyń vıse-prezıdenti Evgenıı Bogatyrev Qazaqstandaǵy stýdentterdiń kıbersport salasy boıynsha yntymaqtastyq týraly memorandýmǵa qol qoıdy.
Taraptar arasyndaǵy yntymaqtastyqtyń negizgi maqsattary - Qazaqstandaǵy stýdentterdiń kıbersportyn qoldaý jáne damytý. Ulttyq Olımpıadalyq komıteti jastardyń nazaryn olımpıadalyq qozǵalysqa aýdaryp, olardy sportpen shuǵyldanýǵa shaqyrady dep úmittenedi.
"Qazaqstan Ulttyq Olımpıadalyq komıti elimizdiń eń iri jáne bedeldi joǵarǵy oqý oryndaryn biriktiretin jobany belsendi jastarmen jumys negizinde bolashaǵynan úlken úmit kútedi. Bizdiń mindetimiz - stýdentter qaýymdastyǵyn belsendi ómir saltyna baýlyp, olardyń sporttyq mádenıetin ártaraptandyrý. Jastar platformasynyń tez tanymal bolýyn qoldaı otyryp, Qazaqstan Ulttyq Olımpıadalyq komıteti jastardan olımpıadalyq qozǵalys qyzmetine ózara qyzyǵýshylyq kútedi. Biz óz tarapymyzdan osy jobaǵa olımpıadalyq sport túrlerimen shuǵyldanatyn kásibı atletter men dene shynyqtyrý men sporttyń kúndelikti ómirimizdegi mańyzdylyǵy týraly áńgimelesetin jetekshi sportshylarymyzdy qatystyrmaqpyz. Belsendi jastar arasynda ózara yntymaqtastyq bolady dep senemiz", - dep, QR Ulttyq Olımpıadalyq komıtetiniń Bas hatshysy Andreı Krıýkov jańa baǵytta atqarylatyn jumys týraly pikirin bildirdi.
Seriktester úshin yntymaqtastyq sheńberinde olardyń birinshi kezektegi mindeti - stýdentterdiń kıbersport túrlerine arnalǵan qazaqstandyq lıgasyn qurý jáne damytý boldy. Sondaı-aq, ol turaqty túrde ótkizilip turady jáne de tórt maýsymnan turatyn bolady. Birinshi maýsym 2020 jyldyń qazan aıynda bastalady. Oǵan jeti ýnıversıtettiń komandalary qatysady. Atap aıtqanda, stýdenttik kıbersport ulttyq qaýymdastyǵynyń músheleri elordadan IT ýnıversıteti, Ǵumarbek Dáýkeev atyndaǵy Almaty energetıka jáne baılanys ýnıversıteti, Halyqaralyq aqparattyq tehnologııalar ýnıversıteti, Qazaqstan-Brıtan tehnıkalyq ýnıversıteti, ál-Farabı atyndaǵy Qazaq ulttyq ýnıversıteti, Q.Satpaev jáne Halyqaralyq bıznes ýnıversıtetteri. Stýdenttik kıbersport ulttyq qaýymdastyǵyna basqa ýnıversıtetterge kirý týrnırdiń ekinshi maýsymynan bastap ashyq bolady.
