Foto: instagram.com/fctobol
Oblys ákimdigi Prezıdent Qasym-Jomart Toqaevtyń fýtboldy kommersııalandyrý jóninde bergen tapsyrmasyna sáıkes, Eurasian Resources Group dırektorlar keńesiniń tóraǵasy jáne bas atqarýshy dırektory Shýhrat Ibragımov Qostanaıdyń «Tobyl» fýtbol klýbyn satyp alǵanyn habarlady.
Forbes Kazakhstan dereginshe, 2024 jyly Ibragımovter otbasynyń baılyǵy shamamen 1,5 mıllıard dollar dep baǵalanǵan.
Al «Tobyl» fýtbol klýby ótken maýsymda Qazaqstan Premer-lıgasynda qola júldegeri atanyp, Qazaqstan Kýbogin jeńip aldy. Komanda bıylǵy maýsymdy da sátti bastady. Qazaqstan sýperkýbogi úshin ótken matchta qostanaılyq qurama almatylyq «Qaırat» klýbynan basym tústi. Negizgi ýaqyt 2:2 esebimen aıaqtalǵanmen, penaltı serııasynda «Tobyl» 5:4 esebimen jeńiske jetti.
Buǵan deıin «Qaısardyń» ınvestory – «TAU Group Ltd» ókili Islamǵalı Qozbaqov, «Qyzyljardyń» jańa ıesi – kásipker Sergeı Kan, «Jeńis» klýbynyń ınvestory – kásipker Mıhaıl Lomtadze bolǵany málim boldy.
