Kún tártibinde qaladaǵy epıdemııalyq jaǵdaı máseleleri jáne mobıldi toptardyń jumysyn kúsheıtý, sondaı-aq jylytý maýsymy kezeńinde órt qaýipsizdiginiń aldyn alý máseleleri talqylandy. Jalpy, elorda koronovırýs ınfeksııasy boıynsha sary, qaýipti aımaqqa kiredi. Sondyqtan erekshe nazar aýdarýdy talap etedi. Júrgizilgen tekseris nátıjesinde ShOB sýbektileri tarapynan karantın sharalary men sanıtarlyq erejeler birneshe ret saqtamalmaǵan.
"Osyǵan baılanysty, quqyq qoldaný praktıkasy jáne eskertýdi azaıtý maqsatynda karantın sharalaryn únemi buzatyn kásipkerlik sýbektileriniń qyzmetin ýaqytsha toqtata turý máselesi qaralatyn bolady", dep atap ótti otyrys barysynda Nur-Sultan qalasy ákiminiń orynbasary Baqtııar Máken.
Sondaı-aq, otyrys barysynda salynǵan tyıymǵa qaramastan, keıbir oıyn-saýyq mekemeleri óz qyzmetin júzege asyrýdy jalǵastyrýda. Al mobıldi toptar ókilderi obektige kirip, buzýshylyqtardy tirkeı almaıdy, óıtkeni kúzet kirýge kedergi keltiredi nemese obekt óz qyzmetin jabyq esik rejıminde júzege asyrady.
Nur-Sultan qalasy ákiminiń orynbasary B.Máken atap ótkendeı, koronavırýstyń taralýyn tejeý úshin shetelden jáne basqa oblystardan kelýshilerdi PTR-testileýden burynǵydaı ótkizý qajet. Sondaı-aq karantın rejimi men sanıtarlyq normalardyń saqtalýyn tekseretin mobıldi toptardyń jumysyn kúsheıtý tapsyryldy. Sonymen qatar, áleýmettik nysandardy, kásipkerlik sýbektilerin jáne t.b. dezınfeksııalaýdy únemi júrgizý mańyzdy. Halyq qarapaıym erejelerdi elemeı, adamdar óz ómirlerine ǵana emes, otandastaryna da qaýip tóndiretinin este ustaı otyryp, maska taǵý qajet.
