Jıynǵa uly aǵartýshynyń urpaqtary men atalas týystary, jergilikti ólketanýshylar men tarıhshy ǵalymdar, sondaı-aq oblystyq Ybyraı Altynsarın memorıaldyq mýzeıiniń qyzmetkerleri qatysty.
"20 qazan kúni kıeli Tobyl óńirinde dúnıege kelgen qazaqtyń uly aǵartýshysy Ybyraı Altynsarın atamyzdyń týǵanyna 179 jyl tolyp otyr. Aldaǵy jyl - bútin alash jurty úshin mereıli jyl. О́ıtkeni Ybyraı atamyzdyń 180 jyldyǵy el kóleminde atap ótilmek. Dala ustazynyń artynda qaldyrǵan uly murasyn óskeleń urpaqqa nasıhattaý barysynda oblystyq Ybyraı Altynsarın memorıaldyq mýzeıi buǵan deıin de birqatar aýqymdy is-sharalardy atqardy. Al búgingi onlaın-jıynǵa Taraz, Shý, Almaty, Aqtóbe, Rýdnyı, Qostanaı qalalarynda turatyn Abdolla Ybyraıulynyń, Balǵoja bıdiń nemeresi Ospan men Nuhman Qoshanulynyń, Balǵoja bıdiń aǵa baýyry Qanqojanyń, Balǵoja bıdiń inisi Kótibar áýletiniń urpaqtary qatysyp otyr. Kezdesý onlaın rejimde bolyp jatqanyna qaramastan, Ybyraıdyń atalary, keıingi urpaqtary jaıly tyń derekterge qanyqtyq", dedi oblystyq Ybyraı Altynsarın memorıaldyq mýzeıi basshysynyń ǵylymı jumystar jónindegi orynbasary Saltanat О́telbaeva.
Basqosýda Y. Altynsarınniń týystary áýlet shejiresinen syr shertisip, óz estelikterimen bólisti. Sondaı-aq, qostanaılyq ólketanýshylar qoıǵan saýaldarǵa jaýap berip, qazirgi turmys-tirshilikteri jaıynda áńgime órbitti.
Onlaın-kezdesý barysynda mýzeı qoryndaǵy foto-qujattar men shejireler jıyntyǵynan jasalǵan kórmeniń ashylý rásimi ótti.
