Atalǵan is-shara tabıǵat qorǵaý zańnamasyna qatysty quqyq buzýshylyqtardy anyqtaýǵa jáne jolyn kesýge baǵyttalǵan.
"Bir apta ishinde oblys aýmaǵynda tabıǵatty qorǵaý zańnamasyn buzýdyń 156 deregi anyqtaldy. Onyń 106 faktisi zańsyz ań aýlaý jáne balyq aýlaý, 27 faktisi ańshy qarýyn alyp júrý, tasymaldaý jáne saqtaý tártibin buzý, 2 faktisi aǵashtardy zańsyz kesý", deıdi PD JPQB erekshe tapsyrmalar jónindegi aǵa ınspektory Erlan Kýdjakov.
Máselen, atalǵan is-shara barysynda bir avtokólikti tekserý kezinde kólik quralynyń artqy oryndyǵynan qandaı-da bir qujattarsyz, shyǵý tegi belgisiz teri men et tabylyp tárkilendi.
Tárkilengen zattar saraptamaǵa jiberildi.
