"О́zin ózi emdeýde jıi qoldanylatyn zattar - bul densaýlyqqa qatysty aýrýlardy emdeıtin, úıde jıi kezdesetin reseptisiz bosatylatyn dári-dármekter jáne dıetalyq qospalar. О́zin-ózi emdeý - kóbine bárimizge belgili medısına júıesinen táýelsiz túrde emdelý, sondaı-aq bastapqyda qalyptasqan nemese kásibı medısınalyq emdeýden bas tartý quqyǵymen tyǵyz baılanysty adam quqyǵy retinde qarastyrylady", - dep atap ótti I.Qalqabaeva.
Degenmen, dárigerdiń aıtýynsha, DDU tulǵasyndaǵy resmı medısına ózin-ózi emdeý emhanaǵa barýdy almastyrmaıtynyn moıyndaıdy. Bul dárigerge deıingi kómek quraly.
"Búgingi kúni ózin ózi emdeý qıyn emes: óıtkeni ınternet jelisine sımptomdardy tolyq jazsańyz, aýrýyńyzdyń tolyq kórinisin, sondaı-aq dári-dármekterdi tańdaý boıynsha usynystardy ala alasyz. Alaıda, dál osylaı emdeýdi jón kóretinderdiń bári kóptegen aýrýlardyń birdeı belgileri bar ekenin umytyp ketedi. Biraq sonymen birge emdeý men ony júrgizý merzimderine múldem basqa kózqarasty qajet etedi. Adam bilimniń jetispeýshiliginen ǵana emes, dıagnostıkalyq quraldardyń jetispeýshiliginen de naqty dıagnoz qoıa almaıdy",- dep atap ótti dáriger.
Dárigerdiń qabyldaýynda naýqas óziniń shaǵymdary men belgileri týraly aıtyp qana qoımaıdy, sonymen qatar tekserýden ótedi. Kóbinese dárigerler naýqasty syrtqy tekserýmen shektelmeıdi. Sonymen birge, taldaýǵa jáne tereńirek tekserý úshin tomografııa nemese ýltradybystyq tekserýge jiberiledi.
