20 qazanda quramyna aýdandyq ákimdikterdiń, jergilikti polısııa qyzmetiniń qyzmetkerleri, «Atameken» UKP ókilderi jáne taýarlar men qyzmetterdiń sapasy men qaýipsizdigin baqylaý jónindegi aýdandyq basqarmalardyń mamandary kiretin Almaty qalasynyń monıtorıngtik toptary 56 aralap tekserý is-sharasyn ótkizdi.
Baqylaý qorytyndysy boıynsha 21 nysanda karantın talaptary buzylǵany anyqtaldy. Tıisti jumystar júrgizildi. Betperde rejımin buzý boıynsha jeke tulǵalarǵa ákimshilik quqyq buzýshylyq týraly 2 hattama jasaldy.
Almaty qalasynyń Bas memlekettik sanıtar dárigeriniń qaýlysyna sáıkes, qyzmetine tyıym salynǵan nysandar, sondaı-aq jumys rejıminiń buzylýy anyqtaldy.
Áýezov aýdanynyń monıtorıngtik toptary birneshe nysannan maska rejıminiń buzylýyn anyqtady, sonyń ishinde Eýrazııalyq bank ǵımaraty, optıka, Abaı kóshesiniń boıyndaǵy lagmanhana, «Almasat» medısınalyq ortalyǵy jáne t. b. bar.
Bostandyq aýdanynda karantındik sharalardy buzý qoǵamdyq tamaqtaný oryndarynda anyqtaldy: «Jungle» restobary, «Marmarıs» dámhanasy, «Marmarıs wok» dámhanasy.
Monıtorıngtik top Naýryzbaı aýdanyndaǵy «Kóktem» dúkeninen, «Býrrıto» dámhanasy, «Mandarın» dúkeni, sondaı-aq sulýlyq salony men keńse úı-jaıynda karantındik is-sharalardyń buzylǵanyn anyqtaldy.
Qala kásipkerlerin epıdemııalyq jaǵdaı kúrdelene túsken kezde sanıtarlyq normalardy qatań saqtaýǵa jáne kelýshiler men qyzmetkerlerdiń densaýlyǵyna qaýip tóndirmeýge shaqyrady.
Almaty ákimdigi qala turǵyndary men qonaqtaryn barlyq saqtyq sharalaryn: betperde kııýdi, áleýmettik qashyqtyqty saqtaýdy, dezınfeksııalyq quraldardy paıdalanýdy jáne múmkindiginshe adamdar kóp jınalatyn oryndarǵa barmaýdy jalǵastyrýǵa shaqyrady
