Aımaqtar • 21 Qazan, 2020

Jambyl oblysynda ken ıgerý kombınaty salynady

277 ret kórsetildi

Kelesi jyly Jambyl oblysynda taý-ken metallýrgııa kombınatynyń qurylysy bastalady. Atalǵan kásiporyndy salý jáne altyn ken oryndaryn ıgerý jónindegi jobany iske asyrýdy talqylaý úshin oblys ákimi Berdibek Saparbaev "Monterra Qasaqstan" jaýapkershiligi shekteýli seriktestiginiń basshylarymen kezdesti. 2015 jyly qurylǵan atalǵan kompanııa "Monterra Group AG" nemis ınvestısııalyq kompanııasynyń enshiles mekemesi bolyp tabylady.

Bul kompanııa men Jambyl oblysynyń ákimdigi arasynda 2016 jyly taý-ken metallýrgııa kombınatyn salý týraly memorandýmǵa qol qoıylǵan. Sol jyly Qaratas-Maıbulaq alańynda altyn men ilespe komponentterdi barlaýǵa kelisimshart jasalǵan. Búgingi tańda Qordaı aýdanynda kombınat qurylysyna arnaıy jer telimi bólingen. Joba Jambyl oblysynyń «Indýstrııalandyrý kartasyna» da engizilgen. Investısııanyń jalpy kólemi 600 mıllıon eýrony quraıdy. Kezdesýde «Monterra Qasaqstan» kásiporny baqylaý keńesiniń tóraǵasy Iogann Shtol altyn óndirýdiń biregeı tehnologııasy qoldanylatynyn atap ótti. О́zi de Qordaı aýdanynyń týmasy bolǵandyqtan, jerlesteri úshin turaqty jáne jalaqysy joǵary jumys usynyp, damyǵan óndiristi jolǵa qoıǵysy keletinin jetkizdi. Qazirgi ýaqytta kompanııa geologııalyq barlaý jumystaryn júrgizýde jáne nysandardy ónerkásiptik ıgerýge daıyndaýda.

Al, «Monterra Qasaqstan» kásipornynyń Bas dırektory Merýert Danbaeva taý-ken metallýrgııa kombınatynyń qurylysy 2021 jyly bastalatynyn aıtty. Sonymen qatar, atalǵan nysandy 2023 jyly paıdalanýǵa berý josparlanýda eken. Sodan keıin óńirde altyn óndirý jumystary júzege asatyn bolady. Kompanııa 1900 adamdy turaqty jumyspen qamtamasyz ete alady. Jańa kombınatta Dore, ıaǵnı altyn-kúmis qorytpasy óndiriledi. О́ndiris bastalǵannan keıin «Monterra Qasaqstan» 5  tonnaǵa deıin altyn óndirýdi, sodan keıin birtindep qýattylyqty arttyrýdy josparlap otyr. Kompanııa aýdannyń ınfraqurylymyn damytýǵa da ınvestısııa salady.

Berdibek Saparbaev bul baǵytta odan ári jumys jalǵasatynyn, memleket ınvestorlardy qoldaýǵa árdaıym daıyn ekenin, Qordaı aýdanyndaǵy aýyldardyń áleýmettik máselelerin sheshýge járdemdesý qajettigin atap ótti. Sondaı-aq, ákim naqty nátıjeler qajet ekenin, ekologııa, kadrlardy daıyndaý máselelerine erekshe nazar aýdarý kerektigin jetkizdi. Berdibek Saparbaev «Biz ınvestorlardan jergilikti turǵyndardy jumysqa alýdy suraımyz. Aýyl turǵyndary qazirdiń ózinde arnaıy oqýdan ótip, qurylys aıaqtalǵannan keıin birden jumysqa kirisýi tıis», deı kele óziniń orynbasary Almas Mádıevke ınvestısııalyq jobany iske asyrý boıynsha «Jol kartasyn» ázirleýdi tapsyrdy.

 

Jambyl oblysy

Sońǵy jańalyqtar

Qazaqstanda urlyq sany eki esege azaıdy

Qazaqstan • Búgin, 17:15

Kann festıvali jazǵa shegerildi

О́ner • Búgin, 16:42

Prezıdent Alık Shpekbaevty qabyldady

Prezıdent • Búgin, 16:02

Uqsas jańalyqtar