Sonymen, Qamysty aýylynda jas mamandarǵa 4 páter berip, Altynsarın aýylyna sý qubyryn tartyp, aýdandy abattandyrýǵa qarjylaı kómek kórsetkeni úshin, sondaı-aq, ózi týyp-ósken óńirde iri áleýmettik jobalardy júzege asyryp júrgen «Altynsarın» JShS dırektory Borıs Knıazev «Jyl mesenaty» nomınasııasy boıynsha marapattaldy.
Al «Jyldyń úzdik uıymy» nomınasııasymen «Olja Agro» JShS marapattaldy. Seriktestik jyl saıyn soǵys jáne eńbek ardagerlerine, halyqtyń áleýmettik álsiz toptaryna materıaldyq kómek kórsetip keledi. Máselen, bıyl «Mektepke jol» aksııasyna qatysyp, aýyldardy abattandyrýǵa úles qosty. Sondaı-aq, kóp balaly otbasylar men jetimderge baspana syılady. Pandemııa kezinde oblystyń medısına uıymdaryna ottegi konsentrattary men 50 ottegi ballonyn satyp aldy. ⠀
«Jyl tulǵasy» nomınasııasy «Toısaı» JShS dırektorynyń orynbasary Ahmet Sadyqovqa tabys etildi. Atalmysh seriktestik aýyldyq eldi mekenderde iri áleýmettik jobalardy iske asyryp, az qamtylǵan, kóp balaly otbasylarǵa, jetim balalarǵa, múmkindigi shekteýlilerge, UOS ardagerleri men zeınetkerlerge qoldaý kórsetip keledi. Bıyl A.Sadyqov Uzynkól aýdanynyń jas mamandaryna birneshe páter tartý etti.
«Týǵan ólke» nomınasııasyn demeýshilik kómek kórsetýge baǵyttalǵan áleýmettik jobalardy iske asyrǵany úshin «О́teı-Telekom» kompanııasynyń dırektory Serik Qazymbekuly Qanapın ıelendi. Eki jyl boıy mesenat Amangeldi aýdanyn abattandyrýmen aınalysty. Eki shaǵyn fýtbol alańynyń qurylysyna demeýshilik jasady.
Eriktiler qozǵalysyna belsendi at salysqany úshin 17 jastaǵy Janseıit Qurmanǵalıev «Eren eriktilik» nomınasııasynyń jeńimpazy atandy. Janseıit gemofılııa dıagnozymen aýyratyndyǵyna qaramastan, karantın kezeńinde qajet bola qalǵan jaǵdaıda «Azamattyq alıans» eriktilerimen birge júris-turysy qıyn naýqastarǵa dári-dármekter men azyq-túlik paketterin tasymaldaǵan.
Qostanaı oblysy
