Parlament • 22 Qazan, 2020

Shaǵyn jáne orta bıznesti qoldaý men damytýdyń tıimdi tetikteri pysyqtaldy

23 ret kórsetildi

Senatorlar shaǵyn jáne orta bıznesti qoldaý men damytýdyń tıimdi tetikterin pysyqtady, dep habarlaıdy Egemen.kz Parlament Senatynyń baspasóz qyzmetine silteme jasap.

Senatta "Jańa jaǵdaıdaǵy ekonomıkalyq damý: Qazaqstanda shaǵyn, orta kásipkerlikti damytý men qoldaý salasyndaǵy memlekettik saıasatty jáne quqyqtyq retteýdi jetildirý" taqyrybyna arnalǵan parlamenttik tyńdaýǵa daıyndyq barysynda mınıstrlikter basshylyǵymen kezdesý boldy.

Senattyń Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Dáýren Ádilbekov kezdesýdi asha kelip, osyǵan deıin shaǵyn jáne orta bıznes, qaýymdastyqtar ókilderimen, "Atameken" ulttyq kásipkerler palatasy jáne "Damý" qory basshylyǵymen sharalar ótkenin atap ótti. Ol kezdesýlerde shaǵyn jáne orta bıznes ókilderi pandemııa jaǵdaıyndaǵy qazirgi jaǵdaı týraly aıtyp, bıznes máselelerin retteıtin zańnamany jetildirý qajettigin aıtqan bolatyn. Senatorlar parlamenttik tyńdaýǵa talqylaýǵa kelip túsken máseleler men usynystardy odan ári pysyqtaý qajet dep sanaıdy.

Depýtattar pandemııa kezinde eldegi shaǵyn jáne orta bıznestiń damýyn tejeıtin problemalarǵa, sondaı-aq salalyq mekemelerdiń shaǵyn jáne orta bıznesti qoldaý jóninde qabyldap jatqan sharalarǵa nazar aýdardy. Senatorlar lokdaýn kezeńinde qyzmetin toqtatqan jáne jabylǵan bıznes sýbektileri týraly málimetterdi surady.

Júzdesýge qatysýshylar mıkrobıznestiń jaǵdaıyna da erekshe nazar aýdardy. Depýtat Baýyrjan Qanıev jeńildetilgen nesıe berýdiń qamtylýyn keńeıtý maqsatynda mıkrobıznesti shaǵyn jáne orta bıznesten bólýdiń oryndylyǵy máselesin kóterdi.

Depýtattardy arnaıy ekonomıkalyq aımaqtardyń, ásirese ındýstrııalyq alańdardyń nashar damýy alańdatyp otyr. Kezdesý barysynda senator Saǵyndyq Luqpanov qazaqstandyq taýar óndirýshilerdiń problemalaryn jáne olardy otandyq shıkizatpen qamtamasyz etý máselelerin qozǵady.

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar