Atalǵan ınstıtýttaǵy sátimen jasalǵan operasııa ınnovasııalyq tehnologııalardy paıdalanýdaǵy sheberlik dárisimen ushtastyryldy.
Zero-Fluro tehnologııalaryn (flıýroskopııasyz) paıdalana otyryp, júrek yrǵaǵynyń kúrdeli buzylysy kezinde kateterlik ablasııa júrgizý úshin MiFi ınnovasııalyq kóppolıarly ablasııalyq kateteri Kardıologııa jáne ishki aýrýlar ǴZI tájirıbesinde tuńǵysh ret qoldanyldy. Operasııalar sátti ótti. Osy kateterdi qoldaný arqyly taǵy birneshe kúrdeli ota jasaý josparlanǵan.
Jas mamandar men rezıdentterdiń qatysýymen ótken sheberlik saǵatynda klınıkanyń júrek yrǵaǵy jáne ótkizgishtiginiń buzylysy bólimshesiniń meńgerýshisi, elimizdiń jetekshi arıtmologtarynyń biri Roın Rekvava eki pasıentke operasııa jasady. Naýqastardyń biri 55 jastaǵy er adam 5 jyl buryn mıokard ınfarktine shaldyqqan, 2 jyl buryn júregine shýnttaý jasalǵan. Pasıentti entigý, álsizdik, bas aınalý, júrek soǵýy mazalap, udaıy dári qabyldaǵanymen, kómegi shamaly bolǵan. Ekinshi ota 42 jastaǵy áıel adamǵa jasaldy.
Roın Roınovıch arıtmogendik oshaqtardyń radıojıilikti ablasııasy arıtmııany emdeýdiń tanymal ádisteriniń qataryna jatatynyn atap ótti. Ol júrek yrǵaǵynyń buzylysy jaǵdaıyndaǵy kateterlik ablasııa qaýipsizdiginiń ózekti máseleleriniń biri asqynýlardyń kúsheıý qaýpi bolǵandyqtan, olardyń damýy kórinisti qalyptastyrý tehnologııasy, hırýrgtiń tájirıbesi sekildi birneshe faktorlarǵa baılanysty ekenin aıtty.
Ablasııany júrgizýdiń ýaqytyn azaıtý jáne tinge áser etýdiń naqtylyǵyn qamtamasyz etý osy asqynýlardyń qaýpin tómendete alady. Sondyqtan arıtmııalyq oshaqtardyń naqty sáıkestenýi men kórinýi mańyzdy. Osy oshaqtardyń sáıkestenýinen keıin pasıenttiń arıtmııadan arylýy úshin naqty ablasııa oryndalýy múmkin.
Osy tehnologııa rentgen sáýleleriniń pasıenttiń aǵzasyna áser etýin meılinshe azaıtýǵa, tipti joıýyna múmkindik beredi.
Navıgasııalyq júıe kóppolıarly kateterlerdiń kómegimen ablasııalyq kateter ornalasqan jerdi kórsetedi jáne katetermen nysanaly ýchaskege qol jetkizýge múmkindik beredi. Sonymen qatar ablasııa prosedýrasynyń ózin jeńildetedi. Instıtýtty ssyndaı MiFi tehnologııasy bar (IntellaTip MiFi) katetermen Boston Scientific kompanııasy qamtamasyz etti. Ushyndaǵy mıkroelektrodtardaǵy sıgnaly onyń ornalasýyn jáne áreket etý salasyn anyqtaýǵa múmkindik beredi de, asqyný qaýpin azaıtady.
«Sondaı-aq mıkroelektrodtar áser etýdiń nátıjeliligi týraly naqty aqparatty alýǵa múmkindik beredi, osylaısha arıtmııany emdeýdiń tıimdiligin arttyrady jáne resıdıvterdiń jıiligin azaıtady. IntellaTip MiFi paıdalanǵan kezde ablasııa prosedýrasynyń 100%-ǵa deıingi joǵary tıimdiligi baıqalady», deıdi R.Rekvava.
Instıtýtta jylyna 900-den asa osyndaı operasııa jasalatynyn atap ótken jón. Radıojıilikti ablıasııa jasaý kezinde, odan keıin de ólim-jitim bolǵan joq. KIAǴZI-da ota jasalǵan eń úlken naýqas 94 jasta boldy.
ALMATY
