"Qurmetti áriptester, áleýmettik qorǵaý júıesiniń ardagerleri, sizderdi kásibı merekelerińizben shyn júrekten quttyqtaımyn!
Áleýmettik qyzmetker kúni – bul qyzmeti qazaqstandyqtarǵa kómek kórsetýmen tyǵyz baılanysty bolyp keletin adamdardyń merekesi. Kún saıyn sizder bizdiń qurmetti zeınetkerlerimizdiń ıgiligi úshin eńbek etesizder, múgedektigi bar adamdarǵa, balaly otbasylarǵa jáne tabysy az azamattarǵa kómektesesizder. Sizderdiń arqalaryńyzda qıyn ómirlik jaǵdaıǵa tap bolǵan qazaqstandyqtar ony eńserý úshin qajetti qoldaý alady.
О́z mindetterińizdi oryndaı otyryp, qamqorlyqqa muqtaj barlyq adamdarǵa meıirimdilik, jan jylýyn jáne jarqyn bolashaqqa degen úmit syılaısyzdar. Sizderdiń kásibı qyzmetińiz janashyrlyq, gýmanızm, izgilik jáne shydamdylyq sııaqty qarapaıym adamı qasıetterge negizdeledi.
Táýelsizdik jyldarynda Qazaqstanda áleýmettik memlekettiń berik irgetasy qalandy. Kóp jaǵdaıda bul sizderdiń eńbekterińiz.
Halyqty áleýmettik qorǵaý júıesiniń ardagerlerine shyn júrekten alǵysymdy bildirgim keledi. Sizderdiń Qazaqstannyń áleýmettik júıesin damytýǵa qosqan úlesterińiz eń jaqsy ári jyly sózderge laıyq.
Barlyq áleýmettik qyzmetkerlerdi tól merekelerimen shyn júrekten quttyqtaımyn! Sizderge zor densaýlyq, uzaq jáne baqytty ómir, otbasyńyz ben jaqyndaryńyzǵa amandyq tileımin!", – delingen Birjan Nurymbetovtiń quttyqtaýynda.
