Osy oraıda "JASTAR: ózekti másele" pikirtalas alańy kezinde sarapshylar jahandyq pandemııa aıasynda qashyqtan bilim berýdi uıymdastyrý máselelerin talqylady. "Rýhanı jańǵyrý" qazaqstandyq qoǵamdyq damý ınstıtýtynyń Basqarma Tóraǵasy Danııar Esınniń aıtýynsha, karantın bilim berý prosesine jańa tehnologııalardy engizdi.
"Koronavırýstyq ınfeksııa pandemııasy kezinde biz bilim berý salasyna májbúrli túrde áser etken jappaı sıfrlandyrýǵa tap boldyq. Artyqshylyǵyn d aıta ketken jón. Máselen, bilim berý prosesine jańa tehnologııalardy engizýdiń katalızatoryna aınaldy. Búginde onlaın-tehnologııalardy damytýdyń arqasynda álemniń úzdik ýnıversıtetterinde oqý úshin shetel asýdyń qajeti de joq. Sondaı-aq, bilim berý fýnksııasy da ózgerip jatyr. Sonymen qatar, sarapshylar bolashaqta oqý júıesi onlaın kýrstarmen shektelip qalmaı, qyzmetkerlerdiń jumys prosesiniń ajyramas bóligi bolady dep boljaıdy. Sondyqtan Elbasy óziniń baǵdarlamalyq maqalasynda «Bilimniń saltanat qurýy» qaǵıdasy turmystyń barlyq salasynda qoldanylýy tıis ekendigin atap ótti", dedi Danııar Esın.
"JASTAR: ózekti másele" alańynda sarapshylar men qatysýshylar otandyq bilim berý mekemelerindegi qashyqtyqtan oqytý problemalaryn talqylap, jańa jaǵdaıda bilim alý máselesi boıynsha sheteldik áriptestermen tájirıbe almasty. Aıta keteıik, onlaın-pikirtalasqa qashyqtyqtan bilim berý tehnologııalarynan tájirıbesi zor mamandar qatysty. Olardyń qatarynda Reseı, Qytaı jáne О́zbekstannyń da sarapshylary bar. Máselen, N.G. Chernyshevskıı atyndaǵy Saratov memlekettik ýnıversıtetiniń Halyqaralyq qatynastar jáne Reseıdiń syrtqy saıasaty kafedrasynyń dosenti Marına Lapenko bylaı dedi:
"Qashyqtyqtan bilim berý formatyna kóshýdiń mańyzdy quramdas bólikteriniń biri – professor men oqytýshylar quramyn daıarlaý. Stýdentter jańa tehnologııalardy jyldam ıgerip kete alady. Alaıda, jańa trendterdi meńgerýde keıbir egde ustazdar biraq qıynshylyqty kóretini jasyryn emes. Sonymen qatar, qashyqtan oqytý kýrstaryn buǵan deıin ótkizgender onlaın júıege ońaı kóship ketti. Alaıda buryn-sońdy mundaıdy kórmegender kýrstardy qaıta daıyndaý, qosymshalardy júkteý syndy kedergilerge kezikti. Beıne dáris pen vebınarlardyń aýdıtorııadaǵy klassıkalyq dáristerden biraz ereksheligi bar. Munda basqa ádistemelerdi qoldaný kerek, materıaldy berýdi basqasha qurasyń, stýdentterdi tartýdyń jáne olardyń nazaryn aýdarýdyń ártúrli joldaryn qarastyrasyń", deıdi Marına Lapenko.
Talqylaý barysynda barysynda qashyqtan oqytý júıesi men elektrondyq bilim berý resýrstaryn paıdalaný jónindegi barlyq usynystar eskerilip, jaýapty qurylymdarǵa jetkiziletin bolady. О́z kezeginde Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov mundaı kezdesýlerdiń Qazaqstandaǵy bilim berý júıesin odan ári jaqsartýdaǵy mańyzdylyǵyn atap ótti.
"Pandemııa kezinde bilim alý máselesi barlyq qazaqstandyqtarǵa aýyr tıdi. Ásirese jastarǵa qatty áser etti. Sebebi álemde jastardyń 70 paıyzy oqýynan aıryldy jáne jer betindegi árbir besinshi jas adam jumyssyz qaldy. Árıne, bul turǵyda memleketimiz jan-jaqty qoldaý kórsetip jatyr. Sonymen qatar, eldegi jastar spektrin jaqsartý jónindegi túrli baǵdarlamalardy da qoldaıdy. Jalpy Qazaqstandaǵy bilim berý júıesin jaqsartý úshin saraptamalyq talqylaýlar óte mańyzdy", dep qorytyndylady Shahmardan Baımanov.
